32-гадовы беларус Павел Пазняк і яго калега праграміст з Украіны выправіліся ў паход на горны хрыбет Тараруа. Праз некаторы час яны перасталі выходзіць на сувязь. Сваякі турыстаў паведамілі ў паліцыю.

Целы двух мужчын знайшлі праз тры дні. Дакладныя прычыны смерці высвятляюцца, хутчэй за ўсё, яны змерзлі ў гарах.

Паводле інфармацыі тэлеканала СТВ, на сувязі з роднымі загінулага беларуса знаходзіцца пасольства Беларусі ў Аўстраліі, якое акрэдытаванае і для працы ў Новай Зеландыі.

Як паведамляе новазеландскі рэсурс NZ Herald, загінулыя — 32-гадовы Павел Пазняк з Окленда і 39-гадовы Міхаіл Сцяпура з Лоўэр-Хата — адправіліся ў горы раніцай у суботу, 19 лістапада, на наступны дзень павінны былі вярнуцца. Целы знайшлі ў панядзелак, 21 лістапада.

Вячаслаў Будкевіч, БелаПАН
Мінск, 27 лістапада 2016