На вышэйшую прыступку п`едэстала гонару падняліся беларускі Юлія Івончык, Вераніка Набокіна, Карына Сандовіч, якія атрымалі ад суддзяў 27,810 бала і апярэдзілі каманду з Польшчы.

У спаборніцтвах змешаных пар беларусы Артур Белякоў і Вольга Мельнік таксама занялі першае месца - 28,000 балаў.

Срэбнымі прызёрамі сталі спартсмены з Казахстана Дзмітрый Фядзьковіч і Ангеліна Яніцкая - 27,370 бала.

На трэцім радку падагульняючага пратакола размясціліся польскія атлеты Якуб Траніна і Іга Клешык - 26,920 бала.

У агульным заліку Кубка свету сярод змешаных пар беларускі дуэт Артур Белякоў і Вольга Мельнік занялі чацвёртае месца.

Сярод жаночых дуэтаў самымі лепшымі па выніках сезона сталі мінчанкі Маргарыта Барташэвіч і Вікторыя Міхновіч.

На галоўным турніры 2016 года - чэмпіянаце свету ў кітайскім горадзе Пуцянь - беларусы таксама заваявалі дзве ўзнагароды.

Маргарыта Барташэвіч і Вікторыя Міхновіч сталі сярэбранымі прызёрамі ў спаборніцтвах пар, а ў спаборніцтвах груп каманда ў складзе Карыны Сандовіч, Веранікі Набокінай і Кацярыны Барысевіч заваявала бронзу.

13 кастрычніка 2016, Мінск
БЕЛТА