"Што датычыцца ўезду польскіх турыстаў у Беларусь, мы маем намер больш актыўна практыкаваць выдачу групавых віз.

Атрымаць іх хутчэй і танней, чым звычайныя візы. Але гэты варыянт больш падыходзіць для тых, хто падарожнічае на аўтобусе. Сёння абмяркоўваецца пытанне, як можна з дапамогай электронных тэхналогій спрасціць падачу дакументаў для атрымання беларускай візы", - расказаў Часлаў Шульга.

Намеснік міністра спорту і турызму Польшчы Катаржына Сабірайска адзначыла, што вырашэнне пытанняў візавага рэжыму знаходзіцца па-за кампетэнцыяй міністэрстваў спорту і турызму, але гэта тэма заўсёды абмяркоўваецца на беларуска-польскіх сустрэчах з удзелам супрацоўнікаў пасольстваў і консульстваў. "Некаторыя пытанні нам усё ж такі ўдаецца вырашыць. Паскорылася ўжо афармленне аўтамабіляў на граніцы. Спадзяёмся, што ў наступным годзе будзе вырашана пытанне адкрыцця на тэрыторыі Беларусі візавых цэнтраў, што таксама спросціць працэдуру атрымання віз", - сказала яна.

"Міністэрства спорту і турызму Польшчы будзе вітаць усе пачынанні, накіраваныя на тое, каб спрасціць працэдуру атрымання віз беларусамі", - дадала Катаржына Сабірайска.

5 лістапада 2014, Мінск
БЕЛТА