У паўфінале жаночага турніру ў вагавой катэгорыі да 52 кг Даніловіч упэўнена перамагла спартсменку з Манголіі, аднак у фінальным паядынку ўступіла расіянцы Дар`і Грыбанавай. У турнірнай сетцы была прадстаўлена яшчэ адна беларуска Ганна Буракова, якая не дабралася да медальных схватак.

Заўтра на Russian Judo Tour у Краснаярску пройдуць спаборніцтвы ў жанчын у катэгорыі да 57 кг. Нашу краіну ў гэтай вазе прадставіць Ульяна Мінянкова. Таксама ў спаборніцкай праграме серады мужчынскі турнір у катэгорыі да 73 кг з удзелам беларусаў Ягора Трухана, Дзмітрыя Мінькова і Вадзіма Шокі.

Усяго ва Усерасійскіх спаборніцтвах памяці У.М.Гулідава прымаюць удзел больш за 200 дзюдаістаў з Беларусі, Расіі, Манголіі і Узбекістана. Турнір у Краснаярску прадоўжыцца да 20 чэрвеня.

14 чэрвеня 2022, Мінск
БЕЛТА