Жаночы турнір маскоўскіх спаборніцтваў адносіцца да катэгорыі WTA 500, а мужчынскі - да ATP 250, беларусы ў панядзелак на турніры не выступаюць.
Першыя матчы асноўнай сеткі на Кубку Крамля пачнуцца ў панядзелак.
У жаночым турніры Беларусь прадставіць другая ракетка свету Арына Сабаленка, яна атрымала wild card, таму пачне спаборніцтвы з другога круга. У панядзелак выступяць пяць тэнісных пар.
Сярод найбольш вядомых сусветных тэнісістак на Кубку Крамля, якія заявіліся - іспанка Гарбін’е Мугуруса (9 WTA), грачанка Марыя Сакары (12 WTA), расіянка Анастасія Паўлючэнкава (13 WTA), румынка Сімона Халеп (14 WTA). Названыя тэнісісткі таксама ўступяць у спаборніцтвы з другога круга.
У панядзелак тры мужчынскія пары выявяць мацнейшага на старце турніру.
З найбольш тытулаваных мужчын з другога круга за ўзнагароды пазмагаюцца - расіянін Андрэй Рублёў (5 ATP), серб Філіп Краіновіч (34), спартсмены з РФ Карэн Хачанаў (29) і Аслан Карацаў (24). Сярод беларускіх хлопцаў выступяць у аўторак Ілля Івашка (45) і Ягор Герасімаў (108).
Прызавы фонд Кубка Крамля ў гэтым годзе складае больш за 1,345 млн долараў ЗША.
Ссылка на текущий документ: http://belarus.kz/aktueller/12-1/48/61014
Текущая дата: 16.11.2024