Падагульняючы рэзультат пераможцы - 1 мін. 06,62 сек. Такім чынам, яна палепшыла нацыянальны рэкорд, які ўстанавіла ў ранішняй праграме турніру (1 мін. 07,51 сек.). Срэбра на рахунку Арыны Сысоевай з Латвіі - 1 мін. 09,72 сек. Бронзу выйграла Ангеліна Малашчанка з Гомельской вобласці - 1 мін. 10,41 сек.

Дыстанцыю 100 м на спіне хутчэй за іншых праплыў Мікіта Цмыг. Спартсмен з Магілёўскай вобласці паказаў падагульняючы час - 54,57 сек. Віктар Стасяловіч з Мінска заняў другое месца - 54,61 сек. Замкнуў тройку прызёраў Іван Адамчук з Брэсцкай вобласці - 55,62 сек.

У стартах на 50 м на спіне золата выйграла расіянка Дар`я Усцінава - 28,95 сек. Дарына Зевіна з Украіны - другая (29,21 сек). Трэцяе месца ў Таццяны Кляцовай з Магілёўскай вобласці - 29,80 сек.

У мужчын 50 м брасам хутчэй за ўсіх пераадолеў дыстанцыю Ілья Шымановіч з Мінска - 26,89 сек. Расіянін Кірыл Стрэльнікаў выйграў срэбра - 27,04 сек. Кірыл Шкурко, які выступае за каманду Гомельскай вобласці, стаў трэцім - 28,44 сек.

Чэмпіянат Беларусі па плаванні прадоўжыцца па 24 красавіка на базе Брэсцкага абласнога ЦАР па водных відах спорту. Старт з`яўляецца адборачным для ўдзелу ў чэмпіянаце Еўропы (17-23 мая ў Будапешце), XXXII летніх Алімпійскіх гульнях у Токіа, чэмпіянаце свету - 2022 у горадзе Фукуока і Сусветнай універсіядзе ў кітайскім Чэнду.

У спрэчцы за ўзнагароды прымаюць удзел 343 спартсмены з Беларусі, Казахстана, Латвіі, Расіі і Украіны.

23 красавіка 2021, Мінск
БЕЛТА