3 ліпеня выратавальнікам Слаўгарадскага раёна ад старэйшага брата паступіла паведамленне пра неабходнасць аказання дапамогі ў пошуку 16-гадовага хлопца, навучэнца каледжа. Разам браты выехалі на мотаблоках за грыбамі. Мабільнага тэлефона з сабой у падлетка не было, да прызначанага часу з лесу ён не вярнуўся.

Ратавальнікамі быў абвешчаны збор асабістага складу. У пошуках былі задзейнічаныя ратавальнікі раённага аддзела, пажарнага аварыйна-выратавальнага атрада, абласнога ўпраўлення і Рэспубліканскага атрада спецыяльнага прызначэння МНС, супрацоўнікі МУС, прадстаўнікі лясніцтва, насельніцтва. Работнікі МНС задзейнічалі службовую сабаку і выкарыстоўвалі квадракоптар. У дзесяць вечара падлетак быў выяўлены на лясной дарозе паблізу вёскі Пацяраеўка. Стан здавальняючы, у шпіталізацыі не меў патрэбу.

У Слаўгарадскім раёне устрывожаная маці патэлефанавала выратавальнікам з просьбай аб дапамозе ў пошуках 19-гадовай дачкі, якая сышла ў лес за грыбамі. Для пошукавых работ былі задзейнічаныя супрацоўнікі МУС, работнікі МНС і лясгаса. Дзяўчына выяўленая ў 400 метрах ад краю лесу.

У Кіраўскім раёне Магілёўскай вобласці шукалі бабруйчаніна. Мужчына адправіўся з раніцы ў лес, у абед занепакоеныя сваякі патэлефанавалі ратавальнікам. Мужчына перанёс інфаркт, чуў слаба. Каля трох гадзін дня бабруйчанін быў выяўлены на ўскраіне лесу.

У гэтым жа раёне шукалі яшчэ аднаго пенсіянера, які сышоў а 6-й раніцы 3 ліпеня ў лес і не вярнуўся.

Звязда, 4 ліпеня 2020