Белорусский портал в Казахстане

У Беларусі вызначаны парадак выкарыстання лесу для адпачынку і аздараўлення



Міністэрствам лясной гаспадаркі 10 студзеня 2024 года прынята пастанова нумар 10 "Аб парадку выкарыстання ўчасткаў ляснога фонду", якой вызначаны парадак выкарыстання лесу для адпачынку і аздараўлення, паведамляе Нацыянальны прававы інтэрнэт-партал.

Прававым актам зацверджаны правілы выкарыстання ўчасткаў ляснога фонду для ажыццяўлення лесакарыстання ў мэтах правядзення культурна-аздараўленчых, турыстычных, іншых рэкрэацыйных і (або) спартыўна-масавых, фізкультурна-аздараўленчых і спартыўных мерапрыемстваў.

Правіламі ў якасці асноўнай задачы лесакарыстання вызначана задавальненне патрэбнасцей грамадзян у адпачынку і аздараўленні на прыродзе пры рацыянальным выкарыстанні рэкрэацыйных рэсурсаў лесу, падтрыманні і ўмацаванні іх экасістэмных функцый.

Устаноўлена, што лесакарыстанне накіравана на аднаўленне, аздараўленне лясным асяроддзем, лячэбнай фізкультурай, фітатэрапіяй, азнаямленне з аб`ектамі прыроднай і гісторыка-культурнай спадчыны, экалагічнае выхаванне, адпачынак, удзел у спаборніцтвах па асобных відах спорту.

У прыватнасці, могуць арганізоўвацца прагулкі па лесе, арганізаваны адпачынак каля вадаёмаў і ў лесе, лыжны, веласіпедны турызм, спартыўныя мерапрыемствы (у тым ліку крос, трохбор`е), лясное і спартыўнае арыентаванне, турысцкія і іншыя злёты, а таксама добраўпарадкаванне экалагічных сцежак і іншае.

Пры гэтым могуць размяшчацца розныя малыя архітэктурныя формы - папераджальныя і інфармацыйныя аншлагі, турыстычныя знакі і паказальнікі, аб`екты санітарнага прызначэння, кантэйнеры для збору адходаў, абсталяваныя месцы для вогнішча, пляцоўкі для спартыўных гульняў і інш.

На прадастаўленых для лесакарыстання ўчастках ляснога фонду забаронены высечка, забіранне і выдаленне драўнінна-хмызняковай расліннасці.

Пастанова ўступае ў сілу пасля яе афіцыйнага апублікавання.

30 студзеня 2024, Мінск
БЕЛТА

Ссылка на текущий документ: http://belarus.kz/aktueller/12-3/1/72345
Текущая дата: 19.05.2024