Фармаванне ў заказніках больш даступнага асяроддзя стане магчымым дзякуючы праекту «Развіццё экалагічнага турызму для садзейнічання зялёнага пераходу да інклюзіўнага і ўстойлівага росту». Ён рэалізуецца ПРААН у партнёрстве з Міністэрствам прыродных рэсурсаў і аховы навакольнага асяроддзя Беларусі пры фінансавай падтрымцы Расійскай Федэрацыі. І накіраваны на развіццё і прасоўванне экатурызму, стварэнне неабходнай метадычнай базы для яго развіцця і сістэмы стратэгічнага планавання, умацаванне супрацоўніцтва паміж прыватнымі кампаніямі, дзяржаўнымі прыродаахоўнымі ўстановамі і мясцовым насельніцтвам.

Сёння ў Беларусі і ва ўсім свеце вандроўкі з інваліднасцю становяцца ўсё больш масавай турыстычнай аўдыторыяй. Павышэнне даступнасці экатурыстычных лакацый для іх становіцца асабліва актуальным у эпоху пандэміі COVID-19 і пераадолення яе наступстваў праз стварэнне новых бяспечных магчымасцяў для падарожжаў.

Па праекце ў заказніку «Азёры» (Гродзенская вобласць) уладкуюць уваходныя групы будынка візіт-цэнтра, каб зрабіць іх больш даступнымі для людзей з інваліднасцю.

У заказніку «Налібоцкі» (Мінская і Гродзенская вобласці) мадэрнізуюць існуючую інклюзіўную экатрапу: заменяць драўляны насціл, які праходзіць па балотным і Лугавым біятопе, а таксама ўсталююць поручні для людзей з інваліднасцю.

У візіт-цэнтры заказніка «Асвейскі» (Віцебская вобласць) з’явіцца пандус для забеспячэння даступнасці для калясачнікаў.

Праект па развіцці экатурызму таксама плануе правесці ў 2022-2023 гадах серыю трэнінгаў па сацыяльнай адказнасці і стварэнні роўных магчымасцяў для наведвання асабліва ахоўных прыродных тэрыторый людзьмі з інваліднасцю. Навучанне пройдуць кіраўнікі і супрацоўнікі прыродаахоўных устаноў, пілотных пляцовак праекта і іншых асабліва ахоўных прыродных тэрыторый Беларусі, мясцовыя жыхары праектных тэрыторый, прадпрымальнікі, грамадскія арганізацыі, уладальнікі аграэкасядзібаў, рамеснікі, прадстаўнікі ўстаноў культуры, іншыя ўдзельнікі экатурыстычных кластараў.

Звязда, 3 снежня 2021