Пачаўся прыём заявак на ўдзел у IХ чэмпіянаце Еўропы па ручной касьбе нізінных балот, які пройдзе 23 жніўня ў рэспубліканскім біялагічным заказніку "Спораўскі" (Бярозаўскі раён, Брэсцкая вобласць) у межах экалагічнага фестывалю "Спораўскія сенакосы".
Як паведамляюць арганізатары мерапрыемства, еўрапейскае першынство пройдзе ў Беларусі ўпершыню. Заяўкі на ўдзел можна падаваць да 10 жніўня па тэлефоне (01643) 222-31 і электроннай пошце rbz.sporovskij@gmail.com.
Спаборніцтвы будуць праходзіць у камандным і асабістым першынстве. У склад каманды ўваходзяць два ўдзельнікі і кіраўнік. Для перамогі ў спаборніцтвах каманда павінна лепш і хутчэй пракасіць паласу даўжынёй 100 метраў і шырынёй 3 метры. Лепшыя касцы каманднага першынства пасля возьмуць удзел у асабістым заліку, дзе ім трэба будзе выкасіць паласу даўжынёй 100 метраў і шырынёй 1,5 метра.
Дадаткова будуць узнагароджаны касцы ў намінацыі "Прыз сімпатый гледачоў", удзел у якой могуць узяць усе жадаючыя. Для гэтага трэба будзе пракасіць паласу даўжынёй 30 метраў і шырынёй 1,5 метра.
Удзельнікі спаборніцтваў павінны мець асабістыя косы і дадатковыя інструменты для іх абслугоўвання.
"Чэмпіянат не толькі мае мэту вызначэння лепшага касца ў Еўропе, але і вялікае прыродаахоўнае значэнне, — адзначылі ў Міністэрстве прыродных рэсурсаў і аховы навакольнага асяроддзя. — Вынікам зніжэння ў апошнія дзесяцігоддзі цікавасці да балот як да сенакосных угоддзяў стала зарастанне гэтых балот, што прывяло да пагаршэння прыродных месцаў рассялення некаторых відаў птушак і скарачэння іх колькасці".
У прыватнасці, у заказніку "Спораўскі" кашэнне балота стварае аптымальныя ўмовы для вяртлявай чарацянкі, якая знаходзіцца пад пагрозай знікнення.
У межах фестывалю ў заказніку таксама пройдуць першы адкрыты чэмпіянат па футболе на балоце і кірмаш праектаў Праграмы малых грантаў Глабальнага экалагічнага фонду. Акрамя гэтага, госці і ўдзельнікі мерапрыемства змогуць прайсці па экалагічнай вераўчанай сцежцы і паназіраць за птушкамі са спецыяльна абсталяванай пляцоўкі. Для дзяцей будзе працаваць парк забаў. На фестывалі выступяць творчыя калектывы "Святліца", "Спораўскі акалот", "Хмелеўскія валацугі" і гурт "Палац".
Анастасія Салановіч, БелаПАН
Мінск, 27 ліпеня.
Спаборніцтвы будуць праходзіць у камандным і асабістым першынстве. У склад каманды ўваходзяць два ўдзельнікі і кіраўнік. Для перамогі ў спаборніцтвах каманда павінна лепш і хутчэй пракасіць паласу даўжынёй 100 метраў і шырынёй 3 метры. Лепшыя касцы каманднага першынства пасля возьмуць удзел у асабістым заліку, дзе ім трэба будзе выкасіць паласу даўжынёй 100 метраў і шырынёй 1,5 метра.
Дадаткова будуць узнагароджаны касцы ў намінацыі "Прыз сімпатый гледачоў", удзел у якой могуць узяць усе жадаючыя. Для гэтага трэба будзе пракасіць паласу даўжынёй 30 метраў і шырынёй 1,5 метра.
Удзельнікі спаборніцтваў павінны мець асабістыя косы і дадатковыя інструменты для іх абслугоўвання.
"Чэмпіянат не толькі мае мэту вызначэння лепшага касца ў Еўропе, але і вялікае прыродаахоўнае значэнне, — адзначылі ў Міністэрстве прыродных рэсурсаў і аховы навакольнага асяроддзя. — Вынікам зніжэння ў апошнія дзесяцігоддзі цікавасці да балот як да сенакосных угоддзяў стала зарастанне гэтых балот, што прывяло да пагаршэння прыродных месцаў рассялення некаторых відаў птушак і скарачэння іх колькасці".
У прыватнасці, у заказніку "Спораўскі" кашэнне балота стварае аптымальныя ўмовы для вяртлявай чарацянкі, якая знаходзіцца пад пагрозай знікнення.
У межах фестывалю ў заказніку таксама пройдуць першы адкрыты чэмпіянат па футболе на балоце і кірмаш праектаў Праграмы малых грантаў Глабальнага экалагічнага фонду. Акрамя гэтага, госці і ўдзельнікі мерапрыемства змогуць прайсці па экалагічнай вераўчанай сцежцы і паназіраць за птушкамі са спецыяльна абсталяванай пляцоўкі. Для дзяцей будзе працаваць парк забаў. На фестывалі выступяць творчыя калектывы "Святліца", "Спораўскі акалот", "Хмелеўскія валацугі" і гурт "Палац".
Анастасія Салановіч, БелаПАН
Мінск, 27 ліпеня.
Ссылка на текущий документ: http://belarus.kz/aktueller/12-3/42/26847
Текущая дата: 24.11.2024