Міністэрства замежных спраў распаўсюдзіла паведамленне з рэкамендацыямі для беларусаў па наведванні Ізраіля.

"У сувязі з абвастрэннем сітуацыі на Блізкім Усходзе МЗС РБ рэкамендуе беларускім грамадзянам без неабходнасці не наведваць Дзяржаву Ізраіль і прымаць рашэнне аб паездцы ў гэтую краіну, зыходзячы з развіцця бягучай абстаноўкі ў рэгіёне", - гаворыцца ў паведамленні прэс-службы.

Знешнепалітычнае ведамства просіць беларускіх грамадзян, якія пражываюць або знаходзяцца ў дадзены момант у яўрэйскай дзяржаве, прытрымлівацца рэкамендацый улад Ізраіля і выконваць правілы бяспекі.

"Тэлефон экстранай консульскай дапамогі Пасольства Рэспублікі Беларусь у Ізраілі (г.Тэль-Авіў): +972 50 521 48 19 (кругласутачна)", - нагадалі ў МЗС.

Раней у сталіцы Ірана быў ліквідаваны кіраўнік палітбюро палестынскага руху ХАМАС Ісмаіл Ханія. У сувязі з гэтым улады ісламскай рэспублікі аб’явілі ў краіне трохдзённую жалобу.

Палітычнае кіраўніцтва Ірана абвінаваціла ў забойстве палестынца ўлады Ізраіля. Іранскія ўлады паабяцалі, што гэтае забойства не застанецца беспакараным.

Першапачаткова іранскія сродкі масавай інфармацыі пісалі, што палестынскі дзеяч быў ліквідаваны ў выніку авіяцыйнага ўдару, але пазней стала вядома, што ў асабняку, дзе ён спыніўся, была закладзена бомба.

Мінск, 8 жніўня 2024
Sputnik