У чацвёртым туры каманда ў складзе Уладзіслава Кавалёва, Сяргея Жыгалкі, Кірыла Ступака і Аляксея Фёдарава з рэзультатам 2,5 на 1,5 пункта былі мацнейшымі за сапернікаў з Казахстана. Вырашальны ўклад у поспех унёс Уладзіслаў Кавалёў, які перамог Рыната Джумабаева.

У спаборніцтвах сярод жанчын у матчы з Туркменістанам Яна Ільючык была мацнейшай за Джэмаль Авездурдыевай, што і дало беларускам магчымасць дабіцца поспеху. Астатнія тры матчы завяршыліся ўнічыю. Канчатковы рахунак - 2,5 на 1,5 пункта.

У час алімпіяды адбудзецца Генеральная асамблея Міжнароднай шахматнай федэрацыі (ФІДЭ), на якой дэлегаты са 186 краін будуць выбіраць арганізатара галоўных стартаў 2022 года.

У 2020 годзе гэты турнір прыме Ханты-Мансійск.

Шахматная алімпіяда праводзіцца раз у два гады, першая адбылася ў 1927 годзе. Беларуская каманда дэбютавала на гэтых буйных спаборніцтвах у 1994 годзе ў Маскве.

28 верасня 2018, Мінск
БЕЛТА