У гомельскім спарткомплексе "Лакаматыў" 24 студзеня сыграны фінальны матч Кубка Беларусі па міні-футболе, у якім сустрэліся мінская "Сталіца" і віцебскі "Вітэн". Перамогу з лікам 5:3 святкавалі мінчане.
Каманда з Віцебска прайграла другі фінал запар, летась "Вітэн" па пенальці саступіў гомельскай камандзе БЧ.
"Сталіца" — дзейны чэмпіён Беларусі, а "Вітэн" фінішаваў у апошнім чэмпіянаце краіны другім. У новым чэмпіянаце мінская каманда ідзе другой, "Вітэн" — трэцяй, а лідарам у турніры з`яўляецца "Лідсельмаш", які не ведае паражэнняў.
Кубак Беларусі па міні-футболе разыгрываўся ўжо 25-ты раз. Найбольшую колькасць трафеяў — шэсць — заваяваў мінскі "Дарожнік", чатыры — яшчэ ў аднаго клуба са сталіцы Беларусі МАПІДа, тры разы Кубак Беларусі выйграваў мінскі "Сімург". Усяго ў гэтых спаборніцтвах перамагалі дзесяць каманд.
Алесь Ляўчук, БелаПАН
Мінск, 24 студзеня 2015
Мінск, 24 студзеня 2015
Ссылка на текущий документ: http://belarus.kz/aktueller/12/245/29215
Текущая дата: 08.11.2024