На спаборніцтвах у Бішкеку юныя спартсмены разыграюць 37 камплектаў узнагарод: па 8 сярод юнакоў і дзяўчат, па 7 сярод юніёраў і юніёрак у спартыўным самба, а таксама 7 у баявым самба ў юніёраў. У адпаведнасці з рашэннем Міжнароднай федэрацыі самба, прадстаўнікі Беларусі выступяць на турніры ў нейтральным статусе, гэтак жа як і атлеты з Расіі і Францыі.

Нашу краіну на сусветным форуме прадставяць 30 чалавек. У юнацкі склад (U-18) увайшлі Антон Кубянкевіч, Іван Сямёнаў, Арсеній Маліцкі, Захар Ляснічы, Аляксей Ждановіч, Данііл Саковіч, Уладзіслаў Кузняцоў, Уладзімір Батракоў, Ганна Арцёмава, Хрысціна Яўсюк, Паліна Лук`янчук, Дар`я Тапорыкава, Соф`я Цвірко, Дзіяна Куц, Дар`я Навіцкая і Дар`я Кавальская.

У спаборніцтвах юніёраў (спартсменаў не старэйшых за 20 гадоў) выступяць Леў Саманкоў, Уладзіслаў Норка, Арцём Сапегін, Ігар Міраеўскі, Міхаіл Кухарэнка, Іван Ярмуш, Арсеній Маліцкі, Глеб Шчарбацэвіч, Кацярына Пакалюк, Паліна Граматнева, Лізавета Лапаева, Дарына Семянюк, Паліна Бурачкова і Ева Карпач.

Усяго ў моладзевым першынстве свету прымуць удзел каманды з 28 краін: Арменіі, Азербайджана, Балгарыі, Балівіі, Германіі, Грэцыі, Грузіі, Егіпта, Ізраіля, Іарданіі, Іспаніі, Італіі, Казахстана, Калумбіі, Кыргызстана, Латвіі, Марока, Мексікі, Малдовы, Манголіі, Нідэрландаў, Румыніі, Сербіі, Туркменістана і Узбекістана.

6 кастрычніка 2023, Мінск
БЕЛТА