Пра гэта Арлоўскі па мянушцы Пітбуль заявіў 28 лістапада на прэс-канферэнцыі напярэдадні паядынку ў беларускай сталіцы.
У інтэрв`ю спартсмен прызнаўся, што з нецярпеннем чакае грандыёзнага бою: "Кампанія Fight Nigths, якая з`яўляецца сузаснавальнікам гэтага турніру, звярнулася да мяне з прапановай правесці ў Мінску такі бой. Я адказаў адназначна — добра. Па той простай прычыне, што трынаццаць гадоў не выходзіў на рынг у Беларусі. Летась, 19 снежня, я ў першы раз біўся ў Маскве і вось амаль праз год з`явілася магчымасць выступіць у Мінску. Вельмі рады гэтаму. Да бою рыхтаваўся стопрацэнтна сур`ёзна — быў добры трэніровачны збор, моцныя спарынг-партнёры і, адпаведна, адукаваныя трэнеры".
Пра саперніка Андрэй гаворыць з павагай: "Наколькі я ведаю, ён узыходзячая зорка еўрапейскай MMA. Адзін раз перасякаўся з ім на турніры ў Амерыцы — змагаліся з рознымі сапернікамі, я тады выйграў, ён прайграў. Як мне здаецца, ён з першых хвілін паспрабуе навязаць фізічны націск — трэба быць да ўсяго гатовым, трымаць рукі вышэй, глядзець шырока адкрытымі вачамі і рухацца".
Паводле слоў Арлоўскага, пра Мінск у яго заўсёды добрыя ўспаміны. А вось яго амерыканскія трэнеры былі трохі насцярожаныя, начытаўшыся ў інтэрнэце нейкай страшнай інфармацыі пра Беларусь. "Зараз ходзяць тут з шырока адкрытымі вачамі, усяму дзівяцца, — усміхаецца баец, — бо ўбачылі зусім не тое, што чакалі. Сёння мой таварыш вазіў іх у музейны комплекс "Дудуткі" — яны там фатаграфаваліся, наглядзеліся на розныя рамёствы, падковы пакавалі — засталіся проста ў захапленні!"
Бой паміж беларусам і немцам пройдзе ў межах турніру змешаных адзінаборстваў Fight Nigths пад назвай "Бітва на Нямізе" 29 лістапада ў спарткомплексе "Мінск-Арэна".
Ураджэнец Бабруйска Андрэй Арлоўскі выступае ў змешаных адзінаборствах, 11-ты чэмпіён Ultimate Fighting Championship (UFC) у цяжкай вазе (2005—2006). У спаборніцтвах MMA (ад англійскага Mixed Martial Arts) доўгі час лічыўся адным з вядучых байцоў.
БелаПАН, 28 лістапада 2013
Пра саперніка Андрэй гаворыць з павагай: "Наколькі я ведаю, ён узыходзячая зорка еўрапейскай MMA. Адзін раз перасякаўся з ім на турніры ў Амерыцы — змагаліся з рознымі сапернікамі, я тады выйграў, ён прайграў. Як мне здаецца, ён з першых хвілін паспрабуе навязаць фізічны націск — трэба быць да ўсяго гатовым, трымаць рукі вышэй, глядзець шырока адкрытымі вачамі і рухацца".
Паводле слоў Арлоўскага, пра Мінск у яго заўсёды добрыя ўспаміны. А вось яго амерыканскія трэнеры былі трохі насцярожаныя, начытаўшыся ў інтэрнэце нейкай страшнай інфармацыі пра Беларусь. "Зараз ходзяць тут з шырока адкрытымі вачамі, усяму дзівяцца, — усміхаецца баец, — бо ўбачылі зусім не тое, што чакалі. Сёння мой таварыш вазіў іх у музейны комплекс "Дудуткі" — яны там фатаграфаваліся, наглядзеліся на розныя рамёствы, падковы пакавалі — засталіся проста ў захапленні!"
Бой паміж беларусам і немцам пройдзе ў межах турніру змешаных адзінаборстваў Fight Nigths пад назвай "Бітва на Нямізе" 29 лістапада ў спарткомплексе "Мінск-Арэна".
Ураджэнец Бабруйска Андрэй Арлоўскі выступае ў змешаных адзінаборствах, 11-ты чэмпіён Ultimate Fighting Championship (UFC) у цяжкай вазе (2005—2006). У спаборніцтвах MMA (ад англійскага Mixed Martial Arts) доўгі час лічыўся адным з вядучых байцоў.
БелаПАН, 28 лістапада 2013
Ссылка на текущий документ: http://belarus.kz/aktueller/12/273/24227
Текущая дата: 28.12.2024