Гэта пытанне абмяркоўвалася на сустрэчы пасла Беларусі ў Егіпце з намеснікам прэм’ер-міністра, міністрам аховы здароўя і народанасельніцтва Егіпта Халідам Абдэль Гафарам, паведамілі ў прэс-службе МЗС Беларусі.
Бакі абмеркавалі стан беларуска-егіпецкага супрацоўніцтва ў галіне аховы здароўя, медыцынскай навукі і фармацэўтыкі, узаемадзеяння паміж медыцынскімі ўстановамі. Разгледжаны перспектывы ўстанаўлення партнёрскіх адносін паміж егіпецкім і беларускім рэгулятарамі ў сферы абарачэння медыцынскіх прэпаратаў.
Намеснік прэм’ер-міністра Егіпта пацвердзіў зацікаўленасць у прадаўжэнні і пашырэнні супрацоўніцтва ў медыцынскай сферы па такіх напрамках, як кардыялогія, траўматалогія і анкалогія.
Дасягнута дамоўленасць у сумеснай прапрацоўцы сферы медыцынскага турызму.
Звязда, 27 верасня 2024
Ссылка на текущий документ: http://belarus.kz/aktueller/12/6/75303
Текущая дата: 26.12.2024