Аляксандр Канюк працуе паслом у Арменіі ўжо амаль тры гады. Паводле яго слоў, гэта вельмі крэатыўная дзейнасць. «У ёй мала палітыкі і больш за ўсё эканомікі. Груба кажучы, я гандлюю мясам, малаком, трактарамі, аўтобусамі, машынамі. Галоўная задача для дыпламатаў, якую ставіць для ўсіх Прэзідэнт, — гэта экспарт», — адзначыў пасол.

За мінулы год Беларусь і Арменія павялічылі тавараабарот у два разы. «Сёння мы прадаўжаем гэту тэндэнцыю. За паўгода ў нас ужо ёсць прырост тавараабароту. Мы пастаўляем прадукты харчавання, у Арменіі яны вельмі цэняцца», — адзначыў Аляксандр Канюк.

Патэнцыял Арменіі як гандлёвага партнёра намнога большы, упэўнены дыпламат, аднак ёсць некаторыя праблемы.

Звязда, 4 верасня 2023