Падпісанне пагаднення пра асацыяцыю паміж Украінай і Еўрасаюзам не перашкаджае паглыбленню адносін з Мытным саюзам у межах пашырэння ўжо існай зоны свабоднага гандлю СНД, заявіў прэм`ер-міністр Украіны Мікалай Азараў на пасяджэнні Кабінета міністраў 14 жніўня.
"Сёння нельга дапусціць аслаблення еўразійскага вектара нашай знешняй палітыкі, страты рынкаў для нашых тавараў і паслуг у краінах Мытнага саюза. А пэўныя негатыўныя тэндэнцыі тут ужо выяўляюцца. Украіна нясе страты з-за скарачэння аб`ёмаў узаемнага гандлю таварамі і паслугамі", — прыводзіць словы Азарава дэпартамент інфармацыі і камунікацый з грамадскасцю сакратарыята КМУ.
Прэм`ер-міністр паведаміў, што паводле яго даручэння найбліжэйшым часам будзе завершаны аналіз наступстваў падпісання пагаднення пра асацыяцыю паміж Украінай і ЕС для развіцця кааперацыйных сувязяў паміж прадпрыемствамі Украіны і краін МС. У прыватнасці, гаворка ідзе пра рэалізацыю праграм супрацоўніцтва і пагадненняў у ракетна-касмічным, машынабудаўнічым, авіяпрамысловым, абаронна-прамысловым і іншых комплексах прамысловасці.
Азараў даручыў Міністэрству эканамічнага развіцця і гандлю Украіны сумесна з Міністэрствам замежных спраў "паскорыць падрыхтоўку пэўных прапаноў пра далучэнне да асобных пагадненняў і тэхнічных рэгламентаў Мытнага саюза".
"Прапаную таксама разгледзець пытанне пра магчымасць і мэтазгоднасць удзелу Украіны ў дзейнасці Еўразійскага банка развіцця. Трэба выкарыстоўваць усе магчымасці для развіцця эканомікі Украіны", — сказаў прэм`ер-міністр.
Ён паведаміў, што праект дакумента, узгоднены ЕС і Украінай, апублікаваны на ўрадавым партале для аналізу грамадскасцю.
Азараў адзначыў, што ўрад паслядоўна рыхтуецца да саміту Усходняга партнёрства, які адбудзецца 28—29 лістапада ў Вільнюсе. Мэта — падпісанне на саміце пагаднення пра асацыяцыю паміж Украінай і ЕС са стварэннем зоны свабоднага гандлю.
Дзмітрый Уласаў, БелаПАН
Мінск, 14 жніўня 2013
Прэм`ер-міністр паведаміў, што паводле яго даручэння найбліжэйшым часам будзе завершаны аналіз наступстваў падпісання пагаднення пра асацыяцыю паміж Украінай і ЕС для развіцця кааперацыйных сувязяў паміж прадпрыемствамі Украіны і краін МС. У прыватнасці, гаворка ідзе пра рэалізацыю праграм супрацоўніцтва і пагадненняў у ракетна-касмічным, машынабудаўнічым, авіяпрамысловым, абаронна-прамысловым і іншых комплексах прамысловасці.
Азараў даручыў Міністэрству эканамічнага развіцця і гандлю Украіны сумесна з Міністэрствам замежных спраў "паскорыць падрыхтоўку пэўных прапаноў пра далучэнне да асобных пагадненняў і тэхнічных рэгламентаў Мытнага саюза".
"Прапаную таксама разгледзець пытанне пра магчымасць і мэтазгоднасць удзелу Украіны ў дзейнасці Еўразійскага банка развіцця. Трэба выкарыстоўваць усе магчымасці для развіцця эканомікі Украіны", — сказаў прэм`ер-міністр.
Ён паведаміў, што праект дакумента, узгоднены ЕС і Украінай, апублікаваны на ўрадавым партале для аналізу грамадскасцю.
Азараў адзначыў, што ўрад паслядоўна рыхтуецца да саміту Усходняга партнёрства, які адбудзецца 28—29 лістапада ў Вільнюсе. Мэта — падпісанне на саміце пагаднення пра асацыяцыю паміж Украінай і ЕС са стварэннем зоны свабоднага гандлю.
Дзмітрый Уласаў, БелаПАН
Мінск, 14 жніўня 2013
Ссылка на текущий документ: http://belarus.kz/aktueller/13-/20/22732
Текущая дата: 17.11.2024