15 красавіка ў Беларусі стартуе пілотны праект па маркіроўцы абутку сродкамі ідэнтыфікацыі. 

Дакументам зацверджанае палажэнне аб парадку рэалізацыі праекта.

Эксперымент праводзіцца "з мэтай апрабацыі новых механізмаў маркіроўкі тавараў для ажыццяўлення кантролю за легальнасць абароту асобных груп тавараў і забеспячэння бесперабойнага экспарту беларускіх тавараў у дзяржавы — члены Еўразійскага эканамічнага саюза".

Праект рэалізуецца на добраахвотнай аснове і будзе доўжыцца да 31 снежня 2019 года. Яго ўдзельнікамі з`яўляюцца ўпаўнаважаныя органы, вытворцы, імпарцёры, экспарцёры, іншыя ўдзельнікі абароту абутку і аператар сістэмы маркіроўкі — РУП "Выдавецтва "Белбланкавыд".

Сродкі ідэнтыфікацыі і матэрыяльныя носьбіты, якія змяшчаюць элементы аховы ад падробкі і прызначаныя для іх нанясення, што выкарыстоўваюцца для маркіроўкі абутку ўдзельнікамі праекта, павінны будуць набываць вытворцы, імпарцёры, экспарцёры і іншыя ўдзельнікі абароту абутку. Абутак будзе маркіявацца "шляхам нанясення на тавар ці яго ўпакоўку".

Каардынацыя працы ў межах рэалізацыі пілотнага праекта, а таксама ўзаемадзеянне з Еўразійскай эканамічнай камісіяй і дзяржавамі — членамі ЕАЭС па пытаннях стварэння сістэмы маркіроўкі ўскладзеная на Міністэрства па падатках і зборах.

Як паведамлялася, Бізнес-саюз прадпрымальнікаў і наймальнікаў імя Куняўскага выступіў за адмену або глыбокую мадэрнізацыю сістэмы маркіроўкі тавараў кантрольнымі знакамі. Ліст з прапановамі на гэтую тэму ў снежні мінулага года быў накіраваны першаму намесніку прэм`ер-міністра Аляксандр Турчынаў.

"На наш погляд, негатыўная ацэнка дзейнай сістэмы маркіроўкі мае аб`ектыўны характар. Зацверджаны пастановай Саўміна ад 29 студзеня 2011 года № 1030 пералік тавараў, якія падлягаюць маркіроўцы, сфармаваны недастаткова абгрунтавана. На гэта паказалі 70% рэспандэнтаў. На думку большасці кампаній (66,6%), уключаныя ў пералік тавары не вызначаюць сітуацыю на спажывецкім рынку і іх доля ў рознічным тавараабароце нязначная", — адзначалася ў звароце.

Аляксей Аляксандраў, БелаПАН
Мінск, 18 сакавіка 2019