З 6 ліпеня ў Беларусі дзейнічаюць новыя мытныя правілы і тарыфы, прадугледжаныя Мытным кодэксам Мытнага саюзу. Як выявіў наш карэспандэнт на памежным пераходзе ў Берасьці, многія перавозчыкі на мяжы пакуль ня ведаюць пра зьмены, таксама як фізычныя асобы не азнаёміліся з новымі правіламі перавозу тавараў празь мяжу.
На пераходзе “Варшаўскі мост”, як і тыдзень таму, невялікая, але сталая чарга. Для таго, каб перасекчы мяжу ў гэтым пункце пропуску, спатрэбіцца каля трох гадзінаў. Супрацоўнікі Берасьцейскай мытні кажуць, што самі засвоілі новы Мытны кодэкс і тлумачаць новаўвядзеньні грамадзянам на мяжы:
Калі патрэбен матацыкл, пральная машына — цяпер гэта будзе даражэй ...
"Калі патрэбен матацыкл, пральная машына — цяпер гэта будзе даражэй. Калі, напрыклад, нехта жадае перавезьці тэлевізар вагой менш за 50 кіляграмаў або мікрахвалёўку, то цяпер за гэта ня трэба будзе плаціць. А вось што тычыцца пральнай машыны, то трэба будзе аплаціць стаўку, якая складае прыкладна 15% ад кошту тавару, і плюс каля 20% падатку на дададзеную вартасьць".
Тое, што цяпер мытня працуе паводле новых правілаў, ведаюць ня ўсе перавозчыкі:
"А што гэта за новаўвядзеньні? Атрымліваецца, што нават раз у месяц нельга будзе перавезьці нешта? Палова перасякаючых ня ведае пра гэта. Хіба што трапляюць у непрыемныя сытуацыі, калі едуць празь мяжу. Але мне падаецца, што пакуль не відаць зьменаў: усё, як звычайна".
Іншы перавозчык адзначае, што новыя правілы адаб`юцца як на перавозчыках, так і на спажыўцах. Перавозчыкі прыпыняць сваю працу, каб адаптавацца. А вось спажыўцам варта чакаць, што кошты павялічацца:
"Напрыклад, цэны на пральныя машыны, лядоўні значна падрастуць. Праўда, тычыцца гэта тавараў замежнай вытворчасьці. Тое, што зьбіраюць у нас, будзе каштаваць гэтак жа, а вось імпартныя тавары зробяцца даражэйшымі".
Што да легкавых аўтамабіляў, то мытныя стаўкі будуць захоўвацца на сёньняшнім узроўні да першага ліпеня 2011 году.
07.07.2010
Радыё Свабода
Калі патрэбен матацыкл, пральная машына — цяпер гэта будзе даражэй ...
"Калі патрэбен матацыкл, пральная машына — цяпер гэта будзе даражэй. Калі, напрыклад, нехта жадае перавезьці тэлевізар вагой менш за 50 кіляграмаў або мікрахвалёўку, то цяпер за гэта ня трэба будзе плаціць. А вось што тычыцца пральнай машыны, то трэба будзе аплаціць стаўку, якая складае прыкладна 15% ад кошту тавару, і плюс каля 20% падатку на дададзеную вартасьць".
Тое, што цяпер мытня працуе паводле новых правілаў, ведаюць ня ўсе перавозчыкі:
"А што гэта за новаўвядзеньні? Атрымліваецца, што нават раз у месяц нельга будзе перавезьці нешта? Палова перасякаючых ня ведае пра гэта. Хіба што трапляюць у непрыемныя сытуацыі, калі едуць празь мяжу. Але мне падаецца, што пакуль не відаць зьменаў: усё, як звычайна".
Іншы перавозчык адзначае, што новыя правілы адаб`юцца як на перавозчыках, так і на спажыўцах. Перавозчыкі прыпыняць сваю працу, каб адаптавацца. А вось спажыўцам варта чакаць, што кошты павялічацца:
"Напрыклад, цэны на пральныя машыны, лядоўні значна падрастуць. Праўда, тычыцца гэта тавараў замежнай вытворчасьці. Тое, што зьбіраюць у нас, будзе каштаваць гэтак жа, а вось імпартныя тавары зробяцца даражэйшымі".
Што да легкавых аўтамабіляў, то мытныя стаўкі будуць захоўвацца на сёньняшнім узроўні да першага ліпеня 2011 году.
07.07.2010
Радыё Свабода
Ссылка на текущий документ: http://belarus.kz/aktueller/13-/74/1333
Текущая дата: 25.12.2024