«Гэтае свята сімвалізуе адзінства народа, які прайшоў доўгі шлях станаўлення дзяржаўнасці. За гады суверэнітэту Мінск і Бішкек здолелі не толькі беражліва захаваць агульную гістарычную спадчыну, але і пашырыць кантакты па многіх напрамках», — гаворыцца ў віншаванні.

Кіраўнік дзяржавы адзначыў, што наглядным пацвярджэннем высокага ўзроўню беларуска-кыргызскіх адносін, якія будуюцца на даверы і партнёрстве, з’яўляецца паспяховае супрацоўніцтва дзвюх краін у рэгіянальных арганізацыях. «У гэтым мы яшчэ раз пераканаліся пры ўступленні ў ШАС, атрымаўшы важную падтрымку Бішкека. Упэўнены, дружалюбныя сувязі паміж Беларуссю і Кыргызстанам будуць няўхільна мацнець, а практычнае ўзаемадзеянне — напаўняцца новымі праектамі», — падкрэсліў Прэзідэнт.

Аляксандр Лукашэнка пажадаў Садыру Жапараву і яго суайчыннікам міру, стабільнасці і працвітання, далейшых здзяйсненняў на карысць роднай краіны.

Звязда, 31 жніўня 2024