Генеральны сакратар АДКБ Станіслаў Зась у рамках работы місіі Арганізацыі Дагавора аб калектыўнай бяспецы сустрэўся ў Ерэване з прэм`ер-міністрам Арменіі, старшынёй Савета калектыўнай бяспекі АДКБ Ніколам Пашынянам, паведаміў прэс-сакратар АДКБ Уладзімір Зайнетдзінаў.
"Станіслаў Зась праінфармаваў Ніколу Пашыняна аб папярэдніх выніках работы місіі АДКБ, бакі падрабязна абмеркавалі яе работу і бягучую сітуацыю ў рэгіёне", - сказаў прэс-сакратар.
Місія АДКБ на чале з генеральным сакратаром арганізацыі і начальнікам Аб`яднанага штаба АДКБ была накіравана ў Арменію ў адпаведнасці з рашэннем пазачарговага пасяджэння Савета калектыўнай бяспекі АДКБ, праведзенага 13 верасня. У склад місіі ўвайшлі прадстаўнікі дзяржаў - членаў АДКБ, якія з`яўляюцца супрацоўнікамі рабочых органаў арганізацыі.
"На місію АДКБ ускладаюцца задачы па маніторынгу і вывучэнні абстаноўкі на месцы ў асобных прыгранічных раёнах Рэспублікі Арменія і выпрацоўцы прапаноў адносна далейшых мер. Па выніках работы місіі рыхтуецца даклад кіраўнікам дзяржаў - членаў АДКБ аб сітуацыі ў рэгіёне і прапановы па нармалізацыі абстаноўкі", - дадаў прэс-сакратар.
29 верасня 2022, Масква
Эдуард Півавар - БЕЛТА
29 верасня 2022, Масква
Эдуард Півавар - БЕЛТА
Ссылка на текущий документ: http://belarus.kz/aktueller/13-1/1/66636
Текущая дата: 26.12.2024