У ходзе сустрэчы беларускі бок азнаёміўся з асноўнымі напрамкамі дзейнасці Цэнтра судовай экспертызы Міністэрства юстыцыі Казахстана, абсталяваннем і тэхнічным аснашчэннем некаторых навуковых лабараторый. Асаблівую цікавасць выклікала інфармацыйная сістэма "Е-сараптама" ("Е-экспертыза"), якая дае магчымасць аўтаматызаваць працэсы абмену інфармацыяй паміж судова-экспертнымі органамі і ініцыятарамі назначэння экспертыз. Судовым экспертам з Беларусі была цікава таксама методыка комплекснага даследавання подпісу, выкананага з дапамогай графічнага планшэта са сцілус-ручкай. Такое даследаванне вельмі актуальна ва ўмовах росту злачынстваў у лічбавай сферы.

Як адзначыў намеснік старшыні дзяржаўнага камітэта Юрый Аўсіюк, візіт беларускай дэлегацыі ў Казахстан стаў яшчэ адным крокам на шляху да ўмацавання і развіцця адносін паміж дзвюма дзяржавамі ў сферы судова-экспертнай дзейнасці. Паводле яго слоў, гэта магчымасць не толькі абмяняцца досведам, але і абмеркаваць далейшыя шляхі ўзаемадзеяння.

Казахстанскі бок выказаў удзячнасць за магчымасць навучання сваіх экспертаў у Інстытуце павышэння кваліфікацыі і перападрыхтоўкі кадраў ДКСЭ Беларусі, адзначыўшы высокую якасць падрыхтоўкі судовых экспертаў. З моманту ўстанаўлення супрацоўніцтва паміж экспертнымі ведамствамі дзвюх краін пяць груп слухачоў з Цэнтра судовых экспертыз Міністэрства юстыцыі Казахстана прайшлі навучанне ў інстытуце дзяржкамітэта па розных судова-экспертных спецыяльнасцях.

Пасля завяршэння сустрэч бакі пацвердзілі высокі патэнцыял узаемадзеяння ў галіне судовай экспертызы, адзначылі зацікаўленасць у далейшым развіцці супрацоўніцтва ў гэтай сферы.

1 снежня 2023, Мінск
БЕЛТА