Калегія Еўразійскай эканамічнай камісіі 25-га студзеня прыняла рашэнне аб выключэнні некаторых відаў паліўнай драўніны з рашэння аб адзіным рэгуляванні экспарту лесаматэрыялаў з Еўразійскага эканамічнага саюза, паведамілі ў гандлёвым блоку ЕЭК.
"Змяненні маюць кропкавы характар і дазволяць захаваць магчымасць вывазу дроў з нізкаякаснай паліўнай драўніны, забяспечыўшы дзейнасць малых і сярэдніх прадпрыемстваў галіны", - пракаментаваў рашэнне член Калегіі (міністр) па гандлі ЕЭК Андрэй Сляпнёў.
Як паведамлялася, раней было прынята рашэнне ўвесці адзіную меру нетарыфнага рэгулявання ў выглядзе колькаснага абмежавання экспарту з ЕАЭС шэрага пазіцый лесаматэрыялаў. Мера прадугледжвае нулявую квоту на вываз тавару з усіх краін саюза і ўстаноўлена на бестэрміновай аснове.
"Абмежаванні на вываз лесу з улікам прынятых змяненняў уступяць у сілу з 29 студзеня", - дадалі ў ЕЭК.
25 студзеня 2022, Масква
Эдуард Півавар - БЕЛТА
25 студзеня 2022, Масква
Эдуард Півавар - БЕЛТА
Ссылка на текущий документ: http://belarus.kz/aktueller/13-402/1/63101
Текущая дата: 06.05.2024