У Беларусі зафіксаваны найбольш высокі рост рэальнай заработнай платы сярод краін Еўразійскага эканамічнага саюза (ЕАЭС) па выніках студзеня - верасня бягучага года. 

"За дзевяць месяцаў 2024 года ва ўсіх краінах ЕАЭС вырасла зарплата ў параўнанні з аналагічным перыядам мінулага года. Найвысокія тэмпы росту сярэднямесячнай рэальнай заработнай платы зафіксаваны ў Беларусі (113 працэнтаў) і Расіі (109 працэнтаў)", - адзначылі ў ЕЭК. У Кыргызстане рэальная зарплата вырасла на 6,7 працэнта, у Арменіі - на 6,6 працэнта, у Казахстане - на 2,9 працэнта.

Найбольшы рост намінальнай зарплаты за гэты перыяд зафіксаваны таксама ў Беларусі - на 19,6 працэнта. У Расіі яна вырасла на 18 працэнтаў, у Казахстане і Кыргызстане - на 11,8 працэнта, у Арменіі - на 6,6 працэнта.

Памер сярэднямесячнай намінальнай зарплаты ў студзені - верасні 2024 года склаў: у Арменіі - $713 у эквіваленце, у Беларусі - $690, у Казахстане - $854, у Кыргызстане - $409, у Расіі - $928.

11 снежня 2024, Масква
Эдуард Півавар - БЕЛТА