Трэба максімальна засцерагчы школьнікаў ад выкарыстання мабільных тэлефонаў у навучальнай установе, заявіла ў мультымедыйным прэс-цэнтры Sputnik Беларусь начальніца упраўлення агульнай сярэдняй адукацыі Міністэрства адукацыі Ірына Каржова.

Яна расказала, што дзяржаўным школьным стандартам вызначаны парадак выкарыстання мабільных тэлефонаў ва ўстановах адукацыі. Згодна з ім, мабільныя тэлефоны могуць выкарыстоўвацца на ўроку толькі з дазволу настаўніка.

"Вы спытаеце: навошта мабільны тэлефон на ўроку, пры чым тут дазвол настаўніка? Новыя навучальныя дапаможнікі, у якіх ёсць QR-коды, дазваляюць зайсці на пэўныя інтэрнэт-рэсурсы, максімальна зацікавіць дзіця прадметам. Усю інфармацыю ў адзін падручнік не пакладзеш, ён будзе безразмерны і вельмі цяжкі па масе. Таму ёсць QR-коды, якія дазваляюць даведацца больш.

На перапынках паміж урокамі выкарыстанне тэлефонаў установы адукацыі абмяжоўваюць, каб рабяты "маглі адпачываць, рухацца і мець зносіны".

"І, на жаль, калі заходзіш ва ўстанову адукацыі і бачыш, што рабяты не паднімаюць вочы ад сваіх гаджэтаў, пагадзіцеся, гэта ненармальна. Уласна кажучы, і бацькі нас заклікаюць да таго, каб абмежаваць выкарыстанне мабільных тэлефонаў", - адзначыла прадстаўнік Мінадукацыі.

Паводле яе слоў, мабільныя тэлефоны па-за ўрокамі вучні могуць выкарыстоўваць пры неабходнасці: напрыклад, каб патэлефанаваць бацькам.

"Сёння трэба максімальна засцерагчы школу ад выкарыстання мабільных тэлефонаў", - дадала Ірына Каржова.

Яна таксама ўдакладніла, што абмежаванне выкарыстання мабільных тэлефонаў у школе – гэта не навіна гэтага года.

Мінск, 29 жніўня 2024
Sputnik