«2019/2020 навучальны год мы заканчвалі ў даволі няпростых умовах — успышкі COVID-19. Цяпер у Беларусі адносна спакойнае становішча і мы гатовы да таго, што ўстановы адукацыі пачнуць сваю работу ў штатным рэжыме», — сказала Ірына Каржова.

Разам з тым, паводле яе слоў, у выпадку павелічэння захваральнасці ўстановы адукацыі таксама гатовы арганізаваць адукацыйны працэс. Міністры адукацыі і аховы здароўя распрацавалі і падпісалі адпаведныя рэкамендацыі.

«У прыватнасці, гэта замацаванне за кожным класам канкрэтнага вучэбнага памяшкання. Пераход па магчымасці на двухзменны рэжым работы ўстановы адукацыі. Павелічэнне працягласці перамен і часу паміж зменамі. Абмежаванне пазакласных і пазашкольных мерапрыемстваў. Правядзенне бацькоўскіх сходаў анлайн. Самастойная работа вучняў з выкарыстаннем ІКТ», — адзначыла намеснік начальніка.

Ірына Каржова падкрэсліла, што, як паказала практыка завяршэння 2019/2020 навучальнага года, установы адукацыі гатовы працаваць з выкарыстаннем інфармацыйна-камунікацыйных тэхналогій (ІКТ).

«На нацыянальным адукацыйным партале размешчаны спасылкі на тыя рэсурсы, якія настаўнікі могуць выкарыстоўваць пры рабоце з вучнямі», — дадала яна.

Звязда, 28 жніўня 2020