Міністэрства адукацыі ўсталявала кантрольныя лічбы прыёму у 2018 годзе ў каледжы і ліцэі пры ВНУ для атрымання сярэдняй, базавай і пачатковай адукацыі.

Так, за кошт рэспубліканскага бюджэту для атрымання сярэдняй адукацыі ў ліцэй пры Беларускім нацыянальным тэхнічным універсітэце плануецца прыняць 145 чалавек. У ліцэй Палескага дзяржаўнага ўніверсітэта прымуць 96 чалавек; у ліцэй Беларуска-расійскага універсітэта — 120.

Для атрымання базавай адукацыі ў гімназію-каледж мастацтваў імя І.В.Ахрэмчыка прымуць 48 чалавек, а для атрымання пачатковай адукацыі — 24 чалавекі.

Пастанова набывае моц з дня яе афіцыйнага апублікавання.

Лічбы прыёму ў ліцэі іншых беларускіх ВНУ вызначаюць самі ўніверсітэты або іх заснавальнікі.

Ірына Турчына, БелаПАН
Мінск, 20 красавіка 2018