Міністэрства адукацыі вызначыла, колькі часу павінны траціць школьнікі на выкананне дамашняга задання.

Згодна з санітарнымі нормамі і правіламі, дамашняе заданне вучнямі 2-х класаў павінна выконвацца не больш як 1,2 гадзіны, 3-4-х класаў - 1,5 гадзіны.

У 5-6-х класах дамашняя работа павінна займаць не больш за 2 гадзіны, у 7-8-х - не больш за 2,5 гадзіны, у 9-11-х класах - не больш за 3 гадзіны.

Першакласнікі вучацца без заданняў дадому. Без дамашняга задання павінны праводзіць канікулы абсалютна ўсе школьнікі.

Таксама нікому не павінна задавацца дамашняе заданне па вучэбным прадмеце "Асновы бяспекі жыццядзейнасці".

У якасці дамашняга задання можа разглядацца толькі матэрыял, пройдзены на занятках у класе. Заданні павышанай складанасці могуць прапаноўвацца для самастойнага выканання толькі па жаданні школьнікаў.

Тыповым заданнем па матэматыцы дадому для вучня 2-га класа можа стаць задача або два слупкі прыкладаў.

Па рускай (беларускай) мове заданне можа складацца з 15-17 слоў, пры гэтым практыкаванне не можа змяшчаць больш як адно дадатковае граматычнае заданне.

Па літаратурным чытанні і прадмеце "Чалавек і свет" другакласнікі павінны прачытаць не больш за 1-1,5 старонкі тэксту.

Затое вучань 4-га класа па матэматыцы цалкам можа падрыхтаваць рашэнне задачы і двух выразаў (або двух задач, або задачы і чатырох прыкладаў).

Па рускай (беларускай) мове ён можа выканаць практыкаванне з 35-37 слоў, а да літаратурнага чытання падрыхтаваць матэрыял, які ахоплівае не больш як 3-3,5 старонкі.

21 жніўня 2017, Мінск
БЕЛТА