"Дарагія школьнікі, шчыра віншую вас з пачаткам новага навучальнага года. Сёння асаблівы дзень для першакласнікаў - пачатак важнага жыццёвага этапу, які вы заўсёды будзеце памятаць. Для ўсіх вас гэты год абавязкова будзе напоўнены не толькі атрыманымі карыснымі ведамі і навыкамі, але і яркімі ўражаннямі. Хацеў бы пажадаць вам быць шчырымі і стараннымі, любіць і берагчы родную краіну - так вы абавязкова знойдзеце сваё прызванне", - сказаў Пётр Броўкін.

Першы намеснік старшыні камітэта дадаў, што падпарадкаванае Дзяржкаммаёмасці прадпрыемства "Белкартаграфія" штогод рыхтуе сотні тысяч адзінак вучэбнай прадукцыі для школ: атласы, контурныя карты і іншыя дапаможнікі.

"Кожны грамадзянін павінен ведаць гісторыю сваёй краіны і шанаваць слаўныя традыцыі яе продкаў. Таму дазвольце ўручыць школе насценную карту "Мая Радзіма - Беларусь", якая азнаёміць школьнікаў з мемарыяльнымі комплексамі і помнікамі, прысвечанымі Вялікай Айчыннай вайне, нацыянальнымі касцюмамі пэўных тэрыторый, асноўнымі распаўсюджанымі ў Беларусі рамёствамі і іншай карыснай інфармацыяй", - рэзюмаваў Пётр Броўкін.

1 верасня 2023, Мінск
БЕЛТА