8 лістапада актывісты і ўдзельнікі праектаў Беларускага рэспубліканскага саюза моладзі, мадэлі і вучні Нацыянальнай школы прыгажосці пасадзяць у сталічным парку на праспекце Ракасоўскага саджанцы маладых дубоў.
У экалагічнай акцыі, якая пройдзе пад слоганам «Сады адзінства», прымуць удзел першы сакратар ЦК БРСМ Аляксандр Лук’янаў і дырэктар-мастацкі кіраўнік «ДУА „Цэнтр“ Нацыянальная школа прыгажосці» Бажэна Ярэміч.
3 лістапада кіраўнікі БРСМ і НШК падпісалі Пагадненне аб супрацоўніцтве і дамовіліся развіваць разам новыя грамадзянска-патрыятычныя, валанцёрскія і экалагічныя праекты. Такім чынам, закладка дубовага гаю — першы крок у рэалізацыі сумесных задумак.
Для ўдзельнікаў працоўнага пачыну падрыхтаваны творчыя сюрпрызы, а таксама салдацкая каша з палявой кухні і гарбата.
Па традыцыі мерапрыемства завершыцца агульным фатаграфаваннем.
Сяргей Расолька
Звязда, 5 лістапада 2021
Звязда, 5 лістапада 2021
Ссылка на текущий документ: http://belarus.kz/aktueller/15-0/17/61269
Текущая дата: 21.05.2024