Міністэрства адукацыі Беларусі падрыхтавала інтэрактыўную карту для абітурыентаў, якія ў бягучым годзе плануюць паступаць у ВНУ на ўмовах мэтавай падрыхтоўкі.

"Карта дапаможа падабраць месца для вучобы і будучай працы, знайсці кантакты арганізацый-заказчыкаў кадраў па спецыяльнасці, якая цікавіць", - гаворыцца ў паведамленні.

Там таксама ўдакладняецца, што з яе дапамогай можна будзе атрымаць дадатковую інфармацыю аб заключэнні дагавораў па мэтавай падрыхтоўцы.

У ведамстве нагадалі, што па пытаннях уступнай кампаніі можна звярнуцца па кансультацыю па тэлефонах адкрытых гарачых ліній, якія працуюць ва ўсіх ВНУ рэспубліцы і Міністэрстве адукацыі.

На карту нанесены ўсе 14 ВНУ, якія цяпер працуюць у Беларусі. Там ёсць іх адрасы, спасылкі на сайты ў інтэрнэце, кантактныя тэлефоны.

Акрамя таго, для кожнай навучальнай установы пералічаны спецыяльнасці, на якія будуць набіраць студэнтаў-мэтавікоў, і колькасць адведзеных для іх месцаў. Ля спецыяльнасцей размешчаны спіскі арганізацый, якія гатовы заключыць дагаворы на навучанне і ў далейшым прыняць спецыяліста з вышэйшай адукацыяй на працу.

Раней у Мінадукаці паведамілі, што сёлета больш за 400 арганізацый-заказчыкаў падалі заяўкі на мэтавыя месцы ў ВНУ.

Агульная колькасць мэтавых месцаў у ВНУ – прыкладна 5,3 тыс, з іх 2,3 тыс – медыцынскія спецыяльнасці, 1,2 тыс – аграрныя.

Мінск, 11 траўня 2025
Sputnik