Пад рэдакцыяй доктара гістарычных навук, прафесара, члена-карэспандэнта НАН Беларусі, акадэміка-сакратара Аддзялення гуманітарных навук і мастацтваў Нацыянальнай акадэміі навук Беларусі Аляксандра Кавалені выдадзены навучальны дапаможнік для ўстаноў агульнай сярэдняй адукацыі з беларускай і рускай мовамі навучання «Вялікая Айчынная вайна савецкага народа (у кантэксце Другой сусветнай вайны)».

З улікам таго, што напярэдадні 75-годдзя Вялікай Перамогі ў Беларусі была абвешчаная ўсенародная акцыя па стварэнні «Народнага летапісу Вялікай Айчыннай вайны — згадаем усіх», у дапаможнік уведзена рубрыка «Ствараем летапіс вайны». У ёй навучэнцам прапануецца звярнуць увагу на старонкі гісторыі сваёй сям’і і населенага пункта, у якім яны жывуць.

У дапаможніку прыводзяцца шматлікія дакументальныя матэрыялы, знойдзеныя аўтарамі ў архівах Беларусі, Расіі, Украіны, Германіі, Польшчы, картасхемы, шматлікія ілюстрацыі, якія дапаўняюць і пашыраюць тэкст параграфаў дапаможніка і садзейнічаюць больш глыбокаму засваенню гістарычных звестак.

Надзея Нікалаева
Звязда, 8 чэрвеня 2020