Для школьнікаў, гімнастаў, ліцэістаў (амаль 1 млн дзяцей і падлеткаў) у час восеньскіх вакацый будуць працаваць секцыі і гурткі па інтарэсах, пройдуць спартыўныя спаборніцтвы, конкурсы мастацкай самадзейнасці і творчыя сустрэчы са знакамітымі людзьмі, пісьменнікамі, паэтамі і музыкантамі.

Актыўна будуць працаваць гэтымі днямі як школы, так і рэспубліканскія ўстановы пазашкольнага выхавання і навучання.

Для дзяцей і іх бацькоў ва ўстановах агульнай сярэдняй адукацыі аформлены інфармацыйныя стэнды, на якіх размешчаны планы выхаваўчай работы, расклад заняткаў аб`яднанняў па інтарэсах, графікі работы і расклад заняткаў устаноў дадатковай адукацыі дзяцей і моладзі, устаноў культуры, спартыўных залаў, басейнаў, камп`ютарных класаў, бібліятэк.

Гэта інфармацыя таксама размешчана на сайтах устаноў адукацыі.

Пры планаванні дзейнасці на восеньскія вакацыі кіраўнікі ўстаноў адукацыі ўлічвалі, што 2015 год - год святкавання 70-й гадавіны Перамогі савецкага народа ў Вялікай Айчыннай вайне.

У вакацыйны перыяд пройдуць ваенна-мемарыяльныя, інфармацыйна-прапагандысцкія, навуковыя, культурныя і спартыўныя мерапрыемствы, акцыі па паляпшэнні ўмоў жыцця інвалідаў і ўдзельнікаў Вялікай Айчыннай вайны.

Псіхолагі і сацыяльныя педагогі маюць намер абмеркаваць з падлеткамі тэмы, якія датычацца вырашэння розных канфліктаў. З дзецьмі малодшага ўзросту псіхолагі будуць весці дыялог аб сяброўстве і асобасным росце, а маладым бацькам дапамогуць знайсці агульныя падыходы ў выхаванні падрастаючых дзяцей.

У мэтах прафілактыкі проціпраўных паводзін і безнагляднасці непаўналетніх асаблівую ўвагу плануецца ўдзяліць забеспячэнню на восеньскіх вакацыях занятасці і арганізацыі вольнага часу падлеткаў з дэвіянтнымі паводзінамі, дзяцей, якія знаходзяцца ў сацыяльна небяспечным становішчы.

У дні восеньскіх вакацый у Нацыянальным цэнтры мастацкай творчасці дзяцей і моладзі ў Мінску пройдзе выстаўка лепшых работ рэспубліканскага конкурсу дзіцячай творчасці "АрхНавацыя - 2015".

У рэспубліканскім конкурсе прынялі ўдзел больш за 1,5 тыс. вучняў з устаноў адукацыі з усіх рэгіёнаў краіны.

На выстаўцы прадстаўлены творчыя работы ў намінацыях "Жывапіс", "Графіка", "Мастацкая фатаграфія", "Відэаролік" і "Архітэктурнае макетаванне".

У гэтыя ж дні спецыялісты Рэспубліканскага цэнтра інавацыйнай і тэхнічнай творчасці акажуць дапамогу школьнікам у прафесійным самавызначэнні з улікам індывідуальных асаблівасцей асобы і патрэбнасцей рынку працы. Сярод напрамкаў дзейнасці аддзела - прафарыентацыйнае кансультаванне моладзі, дыягностыка індывідуальных асаблівасцей асобы, правядзенне экскурсій у музеі гісторыі прафесійна-тэхнічнай адукацыі і іншыя.

Шырокі спектр цікавых мерапрыемстваў праводзіць на асенніх канікулах Рэспубліканскі цэнтр экалогіі і краязнаўства, інфармацыю аб якіх можна знайсці на сайце цэнтра.

"Пры правядзенні ўсіх вакацыйных мерапрыемстваў асаблівую ўвагу неабходна звярнуць на забеспячэнне максімальнай бяспекі вучняў. Звяртаем увагу на няўхільнае выкананне патрабаванняў Дырэктывы нумар 1 "Аб мерах па ўмацаванні грамадскай бяспекі і дысцыпліны", Інструкцыі аб арганізацыі ўдзелу вучняў устаноў адукацыі ў турысцкіх паходах і экскурсіях (пастанова Міністэрства адукацыі ад 17 ліпеня 2007 года нумар 35а), Правіл аўтамабільных перавозак пасажыраў у Рэспубліцы Беларусь (пастанова Савета Міністраў ад 30 чэрвеня 2008 г. нумар 972)", - нагадалі ў прэс-цэнтры.

23 кастрычніка 2015, Мінск
БЕЛТА