У Беларусі за мінулы тыдзень 8 прыватных школ спынілі сваё існаванне. Там навучаліся каля паўтысячы дзяцей і падлеткаў. Палова з іх ужо перайшлі ў дзяржаўныя школы. Яшчэ 12-ці прыватным установам выпісаны прадпісанні аб спыненні дзейнасці. 

Нагадаем, што у адной з прыватных школ «Смарт скул» адбыўся інцыдэнт, калі вучань стрэліў з пісталета ў дзяўчынку і пашкодзіў ёй вока. У дачыненні да дырэктара ўзбуджана крымінальная справа.

Дырэктар Дэпартамента кантролю якасці адукацыі Міністэрства адукацыі Беларусі Міхаіл Мірончык паведаміў аб наведванні гэтай школы. Паводле яго слоў, там займаліся вучні 1, 2 і 4 класа. У агульнай складанасці 25 навучэнцаў. Але, па пытаннях справаводства, дакументацыі і нават захоўванні працоўных кніжак у школе не далі тлумачэнняў. «Дзе Бухгалтэрыя? Кадравая служба? Педагогі гатовыя сысці з установы, але не могуць патлумачыць, дзе іх дакументы», — канстатаваў Міхаіл Мірончык.

У Следчым камітэце пацвердзілі — кіраўніцтвам «Смарт скул» прыняты меры па знішчэнні дакументацыі.

«На сайце “Смарт скул” напісана, што штуршком для адкрыцця паслужыла “працяглая камунікацыя з бацькамі аб дзеючай сістэме адукацыі”. І здарылася гэта ў 2020-м годзе. Наогул пасля таго самага жніўня 2-гадовай даўніны ў краіне адкрылася 10 новых прыватных школ. Большасць сканцэнтравана ў Мінску і вобласці», — расказаў аўтар расследавання.

Як інфармаваў міністр адукацыі Беларусі Андрэй Іванец, «ужо выяўлена тое, што замежныя дзяржавы, недружалюбныя да нас краіны, маюць дачыненне да цэлага шэрагу прыватных школ, менавіта таму ў іх ёсць філіялы і ў Літве, і ў Латвіі, і ў іншых дзяржавах. Вядома, гэта недапушчальна, каб замежныя дзяржавы якім-небудзь чынам ўмешваліся ў адукацыю і выхаванне нашага падрастаючага пакалення».

Андрэй Іванец падкрэсліў недапушчальнасць антыдзяржаўных праяў у прыватных установах адукацыі. «Тут вялікі комплекс праблем, якія неабходна вырашаць аператыўна», — сказаў міністр.

Выпадак пракаментаваў першы намеснік начальніка Галоўнага следчага ўпраўлення Следчага камітэта Беларусі Аляксандр Агафонаў. «У дачыненні да абставін прычынення ў так званай школе цялесных пашкоджанняў малалетняй вучаніцы. Мела месца звычайнае без нагляду свавольства дзяцей на перапынку ў класе паміж урокамі. Па неасцярожнасці зроблены стрэл шарыкам з спружыннага цацачнага пісталета, разбітае шкло параніла вока вучаніцы», — распавёў Аляксандр Агафонаў. Падчас агляду памяшкання класа следчымі канфіскаваныя кулі-шарыкі, зафіксаваныя замытыя сляды крыві.

Міністр адукацыі Беларусі Андрэй Іванец распавёў пра маючае адбыцца ліцэнзаванне ў адукацыі. «Мы вельмі разлічваем, што на наступным тыдні будзе прыняты закон “Аб ліцэнзаванні”, які будзе цалкам нам дазваляць з даты яго падпісання мець усе неабходныя інструменты, каб навесці поўны парадак у гэтым сегменце», — дадаў Андрэй Іванец.

Жорсткая рэвізія, рэзюмаваў профільны міністр, працягнецца.

Звязда, 26 верасня 2022