Новы закон, асноўныя палажэнні якога набываюць моц з 1 студзеня 2025 года, абавязвае грамадзян інфармаваць дзяржаву аб рэгістрацыі шлюбаў і нараджэнні дзяцей за мяжой, паведамляе прэс-служба беларускага прэзідэнта.

"Прэзідэнт Беларусі Аляксандр Лукашэнка падпісаў Закон "Аб змяненні законаў па пытаннях рэгулявання шлюбных і сямейных адносін". Дакумент накіраваны на ўдасканаленне рэгулявання такіх адносін", - сказана ў паведамленні.

Грамадзяне Беларусь павінны будуць паведамляць у кампетэнтныя органы "аб рэгістрацыі актаў грамадзянскага стану ў адносінах да сябе і сваіх непаўналетніх дзяцей у замежных дзяржавах". Гэты пункт уключае ў сябе рэгістрацыю шлюбаў і нараджэнне дзяцей за мяжой.

Таксама дакумент пераносіць нормы Дэкрэта ад 24 лістапада 2006 года №18 "Аб дадатковых мерах па дзяржаўнай абароне дзяцей у нядобранадзейных сем’ях" у нормы законаў.

"Устанаўліваецца дакладны механізм адабрання дзіцяці згодна з рашэннем камісіі па справах непаўналетніх, а таксама адзіныя патрабаванні да зместу і афармлення такіх рашэнняў", - адзначылі ў прэс-службе.

Яшчэ адна навіна ў тым, што бацькі могуць заключыць пагадненне, па якім дзіцяці можна перадаць кватэру або дом (або долю ва ўласнасці) у кошт аліментаў.

"Асноўныя палажэнні Закона набываюць моц з 1 студзеня 2025 года", - растлумачылі ў прэс-службе.

Мінск, 9 ліпеня 2024
Sputnik