Дакументам зацверджаны будаўнічыя нормы "Маланкаахова будынкаў, збудаванняў і інжынерных камунікацый". Яны распрацаваны РУП "Будтэхнорм" і ўнесены галоўным упраўленнем горадабудаўніцтва, праектнай, навукова-тэхнічнай і інавацыйнай палітыкі Мінбудархітэктуры. Нормы будуць уведзены ў дзеянне праз 60 каляндарных дзён пасля іх афіцыйнага апублікавання.

Гэтыя нормы ўстанаўліваюць патрабаванні да праектавання маланкааховы пры ўзвядзенні і рэканструкцыі будынкаў і збудаванняў рознага прызначэння і інжынерных камунікацый, якія падводзяцца да іх. Яны прымяняюцца пры праектаванні, мантажы сістэм маланкааховы для будынкаў рознай вышыннасці, праектаванні сістэм маланкааховы установак, прыбораў, абсталявання, якія знаходзяцца ўнутры будынкаў, устанаўленні мер аховы ад паражэння людзей электрычным токам і праектаванні сістэм маланкааховы электрычных станцый, падстанцый і паветраных ліній электраперадачы. Гэтыя буднормы не ўстанаўліваюць патрабаванні да забеспячэння аховы ад выхаду са строю электрычных і электронных сістэм у выніку ўзнікнення ўнутраных перанапружанняў.

Сфера іх прымянення не распаўсюджваецца на чыгуначную сетку, транспартныя сродкі, марскія судны, самалёты, прыбярэжныя збудаванні, падземныя напорныя трубаправоды высокага ціску, магістральныя лініі сувязі і лініі тэлесувязі, не звязаныя з канструкцыяй будынкаў. Пры наяўнасці іншых спецыяльных патрабаванняў па маланкаахове, адзначаных у заканадаўчых актах, трэба кіравацца імі, гаворыцца ў дакуменце.

З усімі дзеючымі тэхнічнымі нарматыўнымі прававымі актамі ў галіне будаўніцтва, а таксама з праектамі дакументаў у гэтай сферы можна азнаёміцца на афіцыйным сайце Мінбудархітэктуры (www.mas.gov.by) у раздзеле "Будаўнічыя нормы і правілы".

19 лютага 2021, Мінск
БЕЛТА