Як адзначыла старшыня Пастаяннай камісіі Палаты прадстаўнікоў па бюджэце і фінансах Людміла Дабрыніна, дэпутаты актыўна прымалі ўдзел ва ўсіх стадыях, якія праходзілі законапраекты, уносілі заўвагі і прапановы, асобныя з якіх знайшлі сваё адлюстраванне.

"Але самае галоўнае - сфарміраваны рэалістычны бюджэт з улікам тых умоў, у якіх працуе эканоміка Беларусі. Гэта вынік кампрамісаў палітычных, эканамічных і сацыяльных інтарэсаў", - сказала яна.

Прафіцыт бюджэту ў 2017 годзе складзе Br1 496,2 млн. Даходы па праекце бюджэту на 2017 год прадугледжваюцца ў суме Br18 235,2 млн, або з ростам да чаканага выканання 2016 года на 6,1 працэнта.

Асноўнымі крыніцамі падатковых даходаў з`яўляюцца падатак на дабаўленую вартасць, акцызы, падатковыя даходы ад знешнеэканамічнай дзейнасці.

Расходы па праекце рэспубліканскага бюджэту на 2017 год прадугледжваюцца ў суме Br16 739,1 млн, або 98,9 працэнта да чаканага выканання 2016 года. Ключавой задачай развіцця Беларусі на 2017 год будзе з`яўляцца аднаўленчы рост эканомікі, павышэнне яе канкурэнтаздольнасці і фарміраванне ўмоў для дасягнення мэт Праграмы сацыяльна-эканамічнага развіцця Беларусі на 2016-2020 гады.

5 кастрычніка 2016, Мінск
БЕЛТА