У канферэнцыі, якая пройдзе ў змешаным фармаце (прагучаць вочныя і дыстанцыйныя даклады), будуць удзельнічаць вядучыя навукоўцы, палітычныя і грамадскія дзеячы Беларусі і Расіі. У праграме канферэнцыі — больш за 60 дакладаў па ўсіх напрамках развіцця гістарычнай навукі ў савецкі час: «Савецкі Саюз: утварэнне і эвалюцыя саюзнай дзяржавы», «Палітычная і дзяржаўная эліта СССР: гісторыя і лёсы», «Сусветная сістэма сацыялізму: альтэрнатыўная глабалізацыя», «Крушэнне СССР: перадумовы, наступствы і ўрокі», «Савецкі Саюз як аб’ект гістарычнай памяці» і іншыя.

Важнымі задачамі прадстаўнічага міжнароднага форуму з’яўляюцца азнаямленне з навуковымі распрацоўкамі і практычнымі дасягненнямі вучоных-гуманітарыяў па праблемах гісторыі СССР і саюзных рэспублік, умацаванне сувязі навукі з установамі адукацыі.

Надзея Нікалаева
Звязда, 14 снежня 2022