Беларускія перапрацоўчыя прадпрыемствы сёння на V Форуме рэгіёнаў Беларусі і Расіі заключылі дагаворы на пастаўку ў Расію прадукцыі на $123 млн. 

Самыя буйныя кантракты з расійскімі партнёрамі ў Гродзенскага мясакамбіната - на 500 млн расійскіх рублёў, Дзятлаўскага сыраробнага завода і Верхнядзвінскага масласырзавода - па 300 млн расійскіх рублёў.

Больш за 70 удзельнікаў секцыі сёння абмеркавалі 3 прыярытэтныя напрамкі ў развіцці аграпрамысловай вытворчасці ў Саюзнай дзяржаве: фарміраванне інавацыйных сістэм жывёлагадоўлі Беларусі і Расіі і стварэнне селекцыйна-генетычных цэнтраў; распрацоўка сістэмы машын сельскагаспадарчага прызначэння і ўкараненне на іх аснове сучасных рэсурса- і энергазберагальных тэхналогій у АПК; павышэнне якасці аграрнай адукацыі, абмен вопытам і сумесная падрыхтоўка кадраў для АПК.

Па выніках работы прынята рэзалюцыя, якая прапануе аб`яднаць намаганні Расіі і Беларусі па гэтых напрамках і тым самым вырашыць праблему імпартазамяшчэння ў жывёлагадоўлі і машынабудаванні, павысіць канкурэнтаздольнасць прадукцыі аграрнай галіны.

11 кастрычніка 2018, Магілёў
Сяргей Кулягін - БЕЛТА