Беларускія абітурыенты змогуць паступаць у расійскія ВНУ, у тым ліку з выкарыстаннем адукацыйных грантаў, паведаміў міністр навукі і вышэйшай адукацыі Валерый Фалькоў.

Ён нагадаў, што ўжо некалькі гадоў расійскія ўніверсітэты выдзяляюць пэўную колькасць квот (бясплатных месцаў) для паступлення іншаземцаў. Беларусам даецца 1 300 квот.

"У дадатак да квот мы ўводзім другі інструмент, і ў бліжэйшы час ён будзе выкарыстоўвацца намі разам з квотамі. Размова ідзе аб адукацыйных грантах", - сказаў Фалькоў на пасяджэнні Парламенцкага сходу Саюза Беларусі і Расіі ў Мінску.

Паводле яго слоў, нарматыўная аснова для гэтага створана, адпаведная пастанова ўрада прынята.

"Квоты – гэта толькі пакрыццё выдаткаў на навучанне. А студэнты справядліва задаюць пытанне: дапамажыце пакрыць транспартныя выдаткі. Другое – гэта страхоўка, трэцяе – пражыванне ў інтэрнаце, чацвёртае – стыпендыя. У залежнасці ад акадэмічнай паспяховасці і заслуг у школе ёсць тры розныя ўзроўні стыпендыі", - растлумачыў кіраўнік Мінадукнавукі РФ.

Ён адзначыў, што адукацыйныя гранты дадуць магчымасць найбольш таленавітым, здольным і падрыхтаваным абітурыентам паступаць у ВНУ Расіі. Пасля чаго дадаў, што затратная частка на падрыхтоўку аднаго спецыяліста ў бліжэйшы час будзе павышана.

Мінск, 17 чэрвеня 2024
Sputnik