У межах сумесных аператыўных вучэнняў "Шчыт Саюза — 2015" экіпажы франтавой і армейскай авіяцыі Заходняй ваеннай акругі УС РФ і Узброеных сіл Беларусі знішчылі "незаконныя ўзброеныя фарміраванні", блакаваныя падчас правядзення спецыяльнай аперацыі. 

Экіпажы баявых верталётаў Мі-24, выканаўшы даразведку мясцовасці з паветра, перадалі дакладныя каардынаты мішэняў для нанясення масіраванага авіяўдару па наземных цэлях. Звяно Су-25 зрабіла кропкавыя ўдары кіраванымі ракетамі і некіраванымі бомбамі па мішэнях, якія імітавалі жывую сілу і ваенную тэхніку праціўніка. 

"З адчувальнымі стратамі" баевікі зрабілі спробу ажыццявіць перагрупоўку і арганізаваць супраціўленне контрнаступаючым падраздзяленням узброеных сіл Беларусі і Расіі. 

Для падтрымкі дзеянняў саюзнай групоўкі ў паветра былі паднятыя баявыя верталёты армейскай авіяцыі Заходняй ваеннай акругі, якія нанеслі некалькі авіяўдараў па месцах збору праціўніка. 

У аб`яднаную авіяцыйную групоўку ўвайшло больш за 80 адзінак тэхнікі. Ваенная авіяцыя Беларусі прадстаўленая штурмавікамі Су-25, а ад ВПС Расіі ў склад авіягрупы ўвайшлі франтавыя бамбардзіроўшчыкі Су-24, верталёты Мі-24 і знішчальнікі Су-27. 

Вячаслаў Будкевіч, БелаПАН
Мінск, 14 верасня 2015