Аляксандр Лукашэнка адзначыў, што гэтыя сродкі - не падарунак Беларусі. "Хацеў бы сказаць некаторым, якія крытыкуюць у нас у Беларусі за гэта і расіян у тым ліку, што ні ўрад Расіі, ні Прэзідэнт, якія ўмеюць добра лічыць грошы, нічога проста так не робяць", - сказаў кіраўнік беларускай дзяржавы.

У якасці прыкладу Аляксандр Лукашэнка прывёў той факт, што беларуская эканоміка спажывае ад 60 працэнтаў да 70 працэнтаў рэсурсаў і камплектуючых прадпрыемстваў Расіі, дзе працуюць, паводле прыкладных ацэнак, да 10 млн. расіян.

"Пачынаючы ад фінішнай вытворчасці, вы такім чынам падтрымліваеце і сваю эканоміку - расійскую", - сказаў Прэзідэнт Беларусі.

Аляксандр Лукашэнка звярнуў увагу на няпростую эканамічную сітуацыю ў свеце. Ён падзякаваў расійскаму боку за прынятыя рашэнні падтрымаць эканоміку Беларусі ў гэты вельмі цяжкі час. Беларусь з прычыны недружалюбных дзеянняў "Уралкалія", які абрушыў сусветны калійны рынак, страціла больш як $1,5 млрд.

Кіраўнік беларускай дзяржавы адзначыў, што, нягледзячы на праблемы ў сусветным гандлі, Беларусі і Расіі ў гэтым годзе ўдалося падтрымаць стабільна высокі ўзровень гандлёва-эканамічнага супрацоўніцтва. Беларусь выйшла на першае месца па тавараабароту сярод краін СНД і на пятае - сярод усіх знешнегандлёвых партнёраў Расіі.

"Мы самыя блізкія народы, самыя блізкія дзяржавы ў свеце, бліжэйшых - няма", - сказаў Аляксандр Лукашэнка.

Прэзідэнт Расіі Уладзімір Пуцін заявіў 25 снежня, што прынята рашэнне прадаставіць Рэспубліцы Беларусь дадатковыя пазыковыя сродкі ў 2014 годзе ў аб`ёме да $2 млрд.

26 снежня 2013, Масква
БЕЛТА

Ссылка на текущий документ: http://belarus.kz/aktueller/17-/56/24521

Текущая дата: 24.12.2024