Такое меркаванне выказаў 4 красавіка на сустрэчы ў беларускім урадзе губернатар расійскага рэгіёна Анатоль Артамонаў.
Беларусь і Калужская вобласць Расіі ў бліжэйшыя гады здольныя ў разы павялічыць ўзровень ўзаемнага тавараабароту.
Як адзначыў прэм`ер-міністр Беларусі Міхаіл Мясніковіч, у адносінах бакоў назіраецца дадатная дынаміка. У першую чаргу, размова ідзе аб тавараабароце: апошнія тры гады ён павялічваўся ў сярэднім на $150 млн у год, склаўшы ў 2013 годзе $565,8 млн (амаль на 40 працэнтаў больш за ўзровень 2012 года).
Дасягненню такіх паказчыкаў, паводле слоў прэм`ера, садзейнічае развіццё эканомікі Калужскай вобласці і беларускай эканомікі. Ён адзначыў, што Беларусь удзяляе вялікую ўвагу развіццю прамысловай кааперацыі і вытворчасці. "Калі ў структуры эканомікі прамысловасць займае менш за 20 працэнтаў, эканоміка лічыцца няўстойлівай", - заўважыў кіраўнік урада. Што датычыцца Беларусі, то ў рэспубліцы гэты паказчык у залежнасці ад года складае 27-31 працэнт.
Вяртаючыся да пытанняў развіцця двухбаковага супрацоўніцтва, Міхаіл Мясніковіч адзначыў, што яно не зводзіцца толькі да таварных адносін: бакі рэалізуюць шэраг інвестыцыйных праектаў, у прыватнасці ў галіне будаўніцтва. У сувязі з гэтым прэм`ер-міністр прапанаваў расійскім партнёрам яшчэ адзін праект, які прадугледжвае будаўніцтва ў рэгіёне беларускага квартала.
Як адзначыў міністр архітэктуры і будаўніцтва Беларусі Анатоль Чорны, адпаведная дамоўленасць з Калужскай вобласцю практычна ўжо дасягнута.
Сёння было адзначана, што Калужская вобласць мае пэўную цікавасць да пасажырскай тэхнікі ААТ "МАЗ", гарадскога электрычнага транспарту. Ёсць зацікаўленасць і ў супрацоўніцтве па вытворчасці аўтакампанентаў.
Нягледзячы на рост узаемнага гандлю, які адзначыў і Анатоль Артамонаў, узровень тавараабароту ўсё ж не зусім задавольвае расійскі бок. "Мы хацелі б, каб на працягу некалькіх гадоў аб`ём нашага супрацоўніцтва павялічыўся ў некалькі разоў, - сказаў губернатар. - Я думаю, мы цалкам маглі б з Беларуссю мець аб`ём тавараабароту на ўзроўні прыкладна $3 млрд". На думку Анатоля Артамонава, дасягнуць такога ўзроўню бакі змогуць на працягу трох-пяці гадоў.
У цэлым Калужская вобласць, паводле слоў губернатара, магла б стаць для Беларусі своеасаблівай стартавай пляцоўкай для ўпэўненага выхаду на расійскія рынкі.
Тавараабарот Беларусі і Калужскай вобласці ў 2013 годзе склаў $565,8 млн, павялічыўшыся амаль на 40 працэнтаў, у тым ліку экспарт - $184,2 млн (рост практычна на 75 працэнтаў), імпарт - $381,6 млн (рост на 22,7 працэнта). У студзені 2014 года тавараабарот паміж бакамі склаў $43,7 млн. Аснову беларускага экспарту ў Калужскую вобласць складаюць нафтапрадукты, грузавыя аўтамабілі, згушчаныя і сухія малако і вяршкі, вырабы з цэменту, бетону або штучнага каменю, мэбля. З расійскага рэгіёна Беларусь імпартуе тэлевізары, маніторы і праектары, апаратуру сувязі і часткі да яе.
4 красавіка 2014, Мінск
Таццяна Грыгаровіч - БЕЛТА
Як адзначыў прэм`ер-міністр Беларусі Міхаіл Мясніковіч, у адносінах бакоў назіраецца дадатная дынаміка. У першую чаргу, размова ідзе аб тавараабароце: апошнія тры гады ён павялічваўся ў сярэднім на $150 млн у год, склаўшы ў 2013 годзе $565,8 млн (амаль на 40 працэнтаў больш за ўзровень 2012 года).
Дасягненню такіх паказчыкаў, паводле слоў прэм`ера, садзейнічае развіццё эканомікі Калужскай вобласці і беларускай эканомікі. Ён адзначыў, што Беларусь удзяляе вялікую ўвагу развіццю прамысловай кааперацыі і вытворчасці. "Калі ў структуры эканомікі прамысловасць займае менш за 20 працэнтаў, эканоміка лічыцца няўстойлівай", - заўважыў кіраўнік урада. Што датычыцца Беларусі, то ў рэспубліцы гэты паказчык у залежнасці ад года складае 27-31 працэнт.
Вяртаючыся да пытанняў развіцця двухбаковага супрацоўніцтва, Міхаіл Мясніковіч адзначыў, што яно не зводзіцца толькі да таварных адносін: бакі рэалізуюць шэраг інвестыцыйных праектаў, у прыватнасці ў галіне будаўніцтва. У сувязі з гэтым прэм`ер-міністр прапанаваў расійскім партнёрам яшчэ адзін праект, які прадугледжвае будаўніцтва ў рэгіёне беларускага квартала.
Як адзначыў міністр архітэктуры і будаўніцтва Беларусі Анатоль Чорны, адпаведная дамоўленасць з Калужскай вобласцю практычна ўжо дасягнута.
Сёння было адзначана, што Калужская вобласць мае пэўную цікавасць да пасажырскай тэхнікі ААТ "МАЗ", гарадскога электрычнага транспарту. Ёсць зацікаўленасць і ў супрацоўніцтве па вытворчасці аўтакампанентаў.
Нягледзячы на рост узаемнага гандлю, які адзначыў і Анатоль Артамонаў, узровень тавараабароту ўсё ж не зусім задавольвае расійскі бок. "Мы хацелі б, каб на працягу некалькіх гадоў аб`ём нашага супрацоўніцтва павялічыўся ў некалькі разоў, - сказаў губернатар. - Я думаю, мы цалкам маглі б з Беларуссю мець аб`ём тавараабароту на ўзроўні прыкладна $3 млрд". На думку Анатоля Артамонава, дасягнуць такога ўзроўню бакі змогуць на працягу трох-пяці гадоў.
У цэлым Калужская вобласць, паводле слоў губернатара, магла б стаць для Беларусі своеасаблівай стартавай пляцоўкай для ўпэўненага выхаду на расійскія рынкі.
Тавараабарот Беларусі і Калужскай вобласці ў 2013 годзе склаў $565,8 млн, павялічыўшыся амаль на 40 працэнтаў, у тым ліку экспарт - $184,2 млн (рост практычна на 75 працэнтаў), імпарт - $381,6 млн (рост на 22,7 працэнта). У студзені 2014 года тавараабарот паміж бакамі склаў $43,7 млн. Аснову беларускага экспарту ў Калужскую вобласць складаюць нафтапрадукты, грузавыя аўтамабілі, згушчаныя і сухія малако і вяршкі, вырабы з цэменту, бетону або штучнага каменю, мэбля. З расійскага рэгіёна Беларусь імпартуе тэлевізары, маніторы і праектары, апаратуру сувязі і часткі да яе.
4 красавіка 2014, Мінск
Таццяна Грыгаровіч - БЕЛТА
Ссылка на текущий документ: http://belarus.kz/aktueller/17-0/54/25631
Текущая дата: 24.12.2024