ААТ "Сілавыя машыны" (Санкт-Пецярбург) і ААТ "Дырэкцыя адзінага заказу абсталявання для АЭС" падпісалі кантракт на пастаўку асноўнага энергетычнага абсталявання машыннай залы беларускай АЭС.
Як паведамляецца на сайце расійскай кампаніі, у адпаведнасці з умовамі кантракта "Сілавыя машыны" вырабяць і паставяць для будуемай беларускай АЭС дзве камплектныя турбаўстаноўкі, уключаючы хуткаходныя паравыя турбіны магутнасцю 1200 МВт кожная, кандэнсатары і абсталяванне дапаможных сістэм турбаўстаноўкі, а таксама два камплектныя турбагенератары магутнасцю 1200 МВт з абсталяваннем дапаможных сістэм. Апрача таго, спецыялісты "Сілавых машын" выканаюць праектныя і шэф-мантажныя работы па абсталяванні, якое пастаўляецца, і правядуць яго гарантыйныя выпрабаванні.
Кошт кантракта складае звыш 750 млн. долараў ЗША. Увод у прамысловую эксплуатацыю першага энергаблока беларускай АЭС запланаваны на 2018 год, другога — на 2020-ы.
Беларуская АЭС, якая складаецца з двух энергаблокаў магутнасцю 1200 МВт кожны, будзе пабудавана ў Гродзенскай вобласці. Яна будзе аснашчана абсталяваннем накшталт таго, што выкарыстоўваецца пры рэалізацыі расійскага праекта "АЭС-2006". Зараз па праекце "АЭС-2006" з рэактарам ВВЭР-1200 будуюцца новаваронежская АЭС-2 і ленінградская АЭС-2, асноўнае энергетычнае абсталяванне для якіх вырабляюць "Сілавыя машыны".
Як зазначаецца ў паведамленні на сайце расійскай кампаніі, праект беларускай АЭС поўнасцю адпавядае міжнародным нормам і рэкамендацыям МАГАТЭ, вызначаецца павышанымі характарыстыкамі бяспекі і тэхніка-эканамічнымі паказчыкамі. Асноўнымі перавагамі праекта з`яўляецца высокая ступень засцярогі, забяспечаная за кошт выкарыстання незалежных каналаў актыўных і пасіўных сістэм бяспекі.
Прадпрыемствы ААТ "Сілавыя машыны" больш як 40 гадоў праектуюць і вырабляюць высокатэхналагічнае абсталяванне для атамных электрастанцый. Зараз ААТ "Сілавыя машыны" — адзіная расійская кампанія, якая забяспечвае камплектную пастаўку асноўнага цепламеханічнага абсталявання турбіннага каркаса для АЭС. Абсталяваннем "Сілавых машын" аснашчаныя 27 атамных электрастанцый у свеце.
Вячаслаў Будкевіч, БелаПАН
Мінск, 10 студзеня 2013
Кошт кантракта складае звыш 750 млн. долараў ЗША. Увод у прамысловую эксплуатацыю першага энергаблока беларускай АЭС запланаваны на 2018 год, другога — на 2020-ы.
Беларуская АЭС, якая складаецца з двух энергаблокаў магутнасцю 1200 МВт кожны, будзе пабудавана ў Гродзенскай вобласці. Яна будзе аснашчана абсталяваннем накшталт таго, што выкарыстоўваецца пры рэалізацыі расійскага праекта "АЭС-2006". Зараз па праекце "АЭС-2006" з рэактарам ВВЭР-1200 будуюцца новаваронежская АЭС-2 і ленінградская АЭС-2, асноўнае энергетычнае абсталяванне для якіх вырабляюць "Сілавыя машыны".
Як зазначаецца ў паведамленні на сайце расійскай кампаніі, праект беларускай АЭС поўнасцю адпавядае міжнародным нормам і рэкамендацыям МАГАТЭ, вызначаецца павышанымі характарыстыкамі бяспекі і тэхніка-эканамічнымі паказчыкамі. Асноўнымі перавагамі праекта з`яўляецца высокая ступень засцярогі, забяспечаная за кошт выкарыстання незалежных каналаў актыўных і пасіўных сістэм бяспекі.
Прадпрыемствы ААТ "Сілавыя машыны" больш як 40 гадоў праектуюць і вырабляюць высокатэхналагічнае абсталяванне для атамных электрастанцый. Зараз ААТ "Сілавыя машыны" — адзіная расійская кампанія, якая забяспечвае камплектную пастаўку асноўнага цепламеханічнага абсталявання турбіннага каркаса для АЭС. Абсталяваннем "Сілавых машын" аснашчаныя 27 атамных электрастанцый у свеце.
Вячаслаў Будкевіч, БелаПАН
Мінск, 10 студзеня 2013
Ссылка на текущий документ: http://belarus.kz/aktueller/17-0/64/18819
Текущая дата: 23.12.2024