Белорусский портал в Казахстане

Узброеныя Сілы Беларусі завяршаюць падрыхтоўку да вучэння "Шчыт Саюза-2019"



Аб гэтым паведамілі ў Міністэрстве абароны.

Воінскія часці і падраздзяленні Паўночна-Заходняга аператыўнага камандавання і сіл спецыяльных аперацый Узброеных Сіл Беларусі завяршаюць падрыхтоўку да сумеснага аператыўнага вучэння ўзброеных сіл Беларусі і Расіі "Шчыт Саюза-2019".

Цяпер у палявых умовах апрацоўваюцца пытанні ўдасканалення навыкаў асабовага складу па пагрузцы (разгрузцы) тэхнікі на чыгуначны транспарт, кіраванні баявымі машынамі, у тым ліку з пераадольваннем водных перашкод і ў начных умовах.

Наступным этапам стане правядзенне аглядаў гатоўнасці войскаў да выканання вучэбна-баявых задач і перадыслакацыя да месца правядзення вучэння. Вучэнне пройдзе з 13 па 19 верасня на палігоне Заходняй ваеннай акругі Узброеных Сіл Расіі Муліна ў Ніжагародскай вобласці і стане завяршальным этапам двухгадовага цыкла сумеснай баявой падрыхтоўкі ўзброеных сіл дзвюх краін.

2 жніўня 2019, Мінск
БЕЛТА

Ссылка на текущий документ: http://belarus.kz/aktueller/17-1/1/49051
Текущая дата: 24.04.2024