Белорусский портал в Казахстане

Сталі вядомыя падрабязнасці плана аб`яднання эканомік Расіі і Беларусі



Праграма інтэграцыі Беларусі і Расіі разлічана на паўтара года і прадугледжвае частковае аб`яднанне дзвюх эканамічных сістэм са студзеня 2021 года.

Стварэнне адзіных Падатковага і Грамадзянскага кодэксаў, адзіны рэгулятар нафтагазавай галіны, сумесны знешнегандлёвы рэжым і амаль адзіны банкаўскі нагляд - выданне "Коммерсантъ" са спасылкай на ўласныя крыніцы ў расійскім урадзе апублікавала некаторыя падрабязнасці праграмы эканамічнай інтэграцыі Беларусі і Расіі.

"Дарожныя карты" і намечаныя тэрміны

6 верасня прэм`ер-міністры Расіі і Беларусі парафіравалі праект "Праграмы дзеянняў Беларусі і Расіі па рэалізацыі палажэнняў дагавора аб стварэнні Саюзнай дзяржавы". Падрабязнасці гэтага дакумента не абвяшчаліся, праект праграмы не публікаваўся.

Пачатак працы па большасці пунктаў Праграмы мяркуецца з 1 студзеня 2021 года. Да 1 лістапада сёлета бакі павінны падаць прапановы па "дарожных картах" аб`яднання эканомік. У наступным годзе неабходна выпрацаваць крокі на заканадаўчых узроўнях.

Найважнейшым пунктам праекта, пад дадзеным выданні, павінна стаць аб`яднанне падатковых сістэм. Адзіны Падатковы кодэкс павінен быць прыняты да 1 красавіка 2021 года.

Яшчэ два пункты праграмы - аб`яднанне з 2021 года мытнай палітыкі і энергапалітыкі са стварэннем адзінага рэгулятара нафтагазавай галіны і электраэнергіі.

"Інтэграцыя не менш, чым у ЕС"

Акрамя гэтага краіны маюць намер дамовіцца аб аб`яднанні плацежных сістэм і практычна адзіным рэжыме абароны інвестыцый. Аб аб`яднанні эмісійных банкаў і адзінай валюце ў дакуменце гаворкі не ідзе.

Прамысловую палітыку таксама маюць намер рэгуляваць па адзіных нормах, а ў 2021 годзе плануецца з`яўленне адзінага доступу да дзяржзакупак і сістэмы ўліку ўласнасці і уніфікацыя гаспадарчага заканадаўства. Пад гэтым, хутчэй за ўсё, маецца на ўвазе Грамадзянскі кодэкс.

Акрамя гэтага са студзеня 2022 года Расія і Беларусь маюць намер весці "ўзгодненую палітыку" на рынку працы і ў сферы сацыяльнай абароны.

Выданне адзначае, што мяркуючы па тэзісах дакумента, гаворка ідзе пра "частковую эканамічную інтэграцыю на ўзроўні не менш, чым у Еўрасаюзе, а ў шэрагу пытанняў - аналагічная канфедэратыўным ці нават федэратыўным дзяржавам".

Мінск, 16 верасня 2019
Sputnik

Ссылка на текущий документ: http://belarus.kz/aktueller/17-1/1/49808
Текущая дата: 28.03.2024