Семінар "Дзяржаўная сістэма падтрымкі сям’і ў Рэспубліцы Беларусь і Расійскай Федэрацыі: напрамкі і перспектывы развіцця" прайшоў у Доме Масквы, яго тэма актуальная для дзвюх дзяржаў, заявіла старшыня Пастаяннай камісіі па працы і сацыяльных пытаннях член Савета Палаты прадстаўнікоў Людміла Канановіч.

Яна адзначыла, што кіраўніцтва Расіі і Беларусі ўдзяляе вялікую ўвагу сацыяльнай палітыцы. Сярод 28 праграм Саюзнай дзяржавы ёсць адна, якая закранае сацыяльна-працоўную сферу.

"Нам вельмі важна, каб наша заканадаўства было гарманізавана, таму сённяшні семінар якраз і прадаставіць гэту магчымасць. Спікеры, навуковыя супрацоўнікі выказалі сваё меркаванне.

Пагрозы ў Беларусі і ў Расійскай Федэрацыі – аднолькавыя ў рамках дэмаграфічнай бяспекі, падтрымкі сямей. Таму сёння мы павінны выпрацаваць нейкія пэўныя напрамкі далейшага развіцця нашага заканадаўства", - распавяла Канановіч.

Дэпутат звярнула ўвагу, што ў Беларусі аказваецца каласальная падтрымка сем’ям, якія выхоўваюць дзяцей. Заканадаўствам прадугледжана разнастайная сістэма дапамог сем’ям у сувязі з нараджэннем і выхаваннем дзяцей – прызначаецца 11 відаў дапамогі.

"Мы ганарымся тым, што ў нас працуе сямейны капітал, які пачаў сваю працу з 2015 года і працягваецца сёння. Гэта ўжо другі этап. Мы далі магчымасць яго датэрміновага выкарыстання. Наша маці знаходзіцца ў дэкрэтным адпачынку тры гады. Гэта таксама вельмі вялікія працоўныя гарантыі для бацькоў", - падкрэсліла Канановіч.

Таксама яна адзначыла, што 31 мая былі прыняты змяненні ў працоўны кодэкс, якія датычацца змянення працоўных адносін. Цяпер шматдзетныя маці змогуць мець не адзін аплатны дзень, вызвалены ў тыдзень, а падзяліць яго на гадзіны.

У мерапрыемстве прынялі ўдзел дэпутаты Парламенцкага Схода, прадстаўнікі Пастаяннага Камітэта Саюзнай дзяржавы, міністэрстваў аховы здароўя і міністэрстваў працы і сацыяльнай абароны Беларусі і Расіі, эксперты навуковых і адукацыйных устаноў дзвюх краін, а таксама прадстаўнікі моладзевых аб’яднанняў і сродкаў масавай інфармацыі дзвюх краін.

Па выніках пасяджэння распрацаваны дакумент, які змяшчае практычныя рэкамендацыі і будзе накіраваны міністэрствам і ведамствам дзвюх дзяржаў, іншым зацікаўленым структурам.

Мінск, 2 чэрвеня 2023
Sputnik