Беларусь і Расія прапрацоўваюць ідэю стварэння сумеснага тэхнапарка. Аб гэтым паведаміў старшыня Дзяржаўнага камітэта па навуцы і тэхналогіях Беларусі Аляксандр Шумілін у кулуарах праводзімага 18 сакавіка ў Маскве міжнароднага эканамічнага форуму дзяржаў - удзельніц СНД "25 гадоў разам: новыя фарматы ўзаемадзеяння".

Аляксандр Шумілін растлумачыў, што да дзейнасці гэтага тэхнапарка плануецца актыўна прыцягваць бізнес, каб навуковыя тэхналагічныя распрацоўкі знаходзілі хутчэйшае прымяненне ў рэальным сектары эканомікі. Старшыня камітэта нагадаў, што Беларусь і Расія маюць вялікі вопыт сумеснага навукова-тэхнічнага супрацоўніцтва. Паводле яго слоў, толькі ў адпаведнасці з праграмамі Саюзнай дзяржавы рэалізавана больш як 40 праектаў, у тым ліку ў сферах космасу, суперкамп`ютараў і іншых. Паводле слоў Аляксандра Шуміліна, Беларусь і Расія разглядаюць магчымасці ажыццяўлення сумесных праектаў у сферах біятэхналогій, медыцынскіх тэхналогій, а таксама па выкарыстанні нетраў.

18 сакавіка 2016, Масква
Эдуард Півавар - БЕЛТА