"Вельмі рады, што ў нас устанавіліся добрыя адносіны ў сферы эканомікі, - сказаў Міхаіл Русы. - Для нас Браншчына - адзін з асноўных рэгіёнаў у гандлёва-эканамічным супрацоўніцтве, у развіцці гуманітарных, культурных адносін. Гэта адзін з рэгіёнаў, з якім супрацоўніцтва развіта высока, і гэта не толькі гандаль, але таксама кааперацыйныя, інтэграцыйныя сувязі, узаемнае інвесціраванне. У гэтым плане мы зрабілі значны крок наперад", - заўважыў ён.

Віцэ-прэм`ер звярнуў увагу на ўзаемадзеянне ў сферы будаўніцтва, АПК, машынабудавання. На яго думку, па некаторых напрамках ёсць недапрацоўкі, і іх устараненне дапаможа вывесці тавараабарот на больш высокі ўзровень. Міхаіл Русы таксама дадаў, што ад імя ўрада 22 траўня ён прыме ўдзел у штогадовым Гомельскім эканамічным форуме і чакае падпісання там канкрэтных кантрактаў, якія станоўча паўплываюць на далейшае развіццё адносін.

На думку Міхаіла Русага, Беларусі і Бранскай вобласці неабходна выкарыстоўваць адна адну як пляцоўкі для ўзаемнага прасоўвання прадукцыі на іншыя рынкі, улічваючы функцыянаванне Еўразійскага эканамічнага саюза.

21 траўня 2015, Мінск
БЕЛТА